რეგიონი
"პანიკა არ არის" - ღვანკითის მცხოვრებლები სოფლის ჩაკეტვის შემდეგ
FaceBook
თერჯოლაში ღვანკითის მოსახლეობა სოფლის ჩაკეტვის შემდეგ სიმშვიდეს ინარჩუნებს.

ქუთაისიპოსტს სოფლის მოსახლეობა უყვება, რომ მათთვის ჩაკეტვა მოულოდნელი არ ყოფილა. 

ღვანკითში მცხოვრებ ელენე მახვილაძის თქმით, შიშის მომენტი არ აქვთ, რადგან ისედაც თვითიზოლაციაში იყვენენ და შესაბამისად, კორონავირუსით დაინფიცირების რისკს ვერ ხედავენ. 

"სიმშვიდეა უბანში. დღეს თერმოსკრინინგი ჩაგვიტარეს. ქუჩაში არ გავდივართ, პროდუქტები მომარაგებული გვაქვს და ჩვეულ რეჟიმში ვაგრძელებთ ცხოვრებას. ამინდი ისედაც ცუდია ამ დღეებში და ვართ სახლში თბილად", - ამბობს ელენე მახვილაძე. 

კორონავირუსით ინფიცირებულ პაციენტთა რიცხვის ზრდის გამო ღვანკითი 23 აპრილს 06:00 საათიდან ჩაიკეტა.

ღვანკითის მაჟორიტარ სოფიო ბუსკივაძის თქმით, სოფელში მუშაობს სამი მარკეტი, აფთიაქი და ამბულატორია. ადგილზე მოწყობილია 5 ბლოკ-საგუშაგო, საიდანაც სოფლის ტერიტორია კონტროლდება. ბუსკივაძის თქმით, სოფელში პროდუქტებისა და მედიკამენტების მარაგის შევსებას ცდილობენ. მისივე თქმით, დღეს სოფელში თერმოსკრინინგი 621 ადამიანს ჩაუტარდა.

"COVID-19-თ ინფიცირებული პირები თვითიზოლაციაში იმყოფებოდნენ. არ არის გამორიცხული, რომ გაიზარდოს ინფიცირებულთა რაოდენობა და მოსახლეობა, ბუნებრივია, შეშინებულია, თუმცა ისინი ამ (სოფლის ჩაკეტვის) გადაწყვეტილებას გაგებით შეხვდენ.

ღვანკითის მცხოვრებლებს ამ ეტაპისთვის სოფლის შიგნით ფეხით გადაადგილების უფლება და ადგილზე არსებული სასოფლო-სამეურნეო ნაკვეთის დამუშავების უფლება აქვთ.

სოფელ ღვანკითში 705 ოჯახი - 2 438 ადამიანი ცხოვრობს.

ქუთაისის ახალ ინფექციურში თერჯოლის სოფელ ღვანკითიდან ჯამში 7 ადამიანი იყო მოთავსებული, მათგან ერთი გამოჯანმრთელდა და ამჟამად კლინიკაში თერჯოლის ე.წ. კლასტერიდან მკურნალობას 6 პაციენტი განაგრძობს.
Print E-mail
FaceBook Twitter
მსგავსი სიახლეები
ბოლო ექვსი თვის განმავლობაში კოვიდ-19-ის ყველაზე მაღალი მაჩვენებელი
მედ პერსონალში იმერეთის რეგიონში დაფიქსირდა.
10:52 / 05.08.2022
ბოლო ექვსი თვის განმავლობაში კოვიდ-19-ის ყველაზე მაღალი მაჩვენებელი მედ პერსონალში იმერეთის რეგიონში დაფიქსირდა.
საქართველოში 1 კვირის განმავლობაში კორონავირუსის 11 802 შემთხვევა
გამოვლინდა.
17:30 / 02.08.2022
საქართველოში 1 კვირის განმავლობაში კორონავირუსის 11 802 შემთხვევა გამოვლინდა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.