კულტურა
თეატრი და თეატრისმოყვარულები „ერთი სულელის“ მოლოდინში
FaceBook
მესხიშვილის თეატრში სეზონი არ დასრულებულა. თუმცა დასრულდა პრემიერებისა და სიახლეების პერიოდი.

იანვრიდან დღემდე თეატრში სამი პრემიერა წარმოადგინეს, გაიმართა თეატრალური კვირეული და მოეწყო თეატრალური ფესტივალი. მესხიშვილის თეატრმა მოახერხა მისი არსებობის მანძილზე პირველად გასტროლზე საზღვარგარეთ წასულიყო და სტუმრებოდა ბოსნიასა და ჰერცოგოვინას.

ამ ექვს თვეში საკმაოდ ბევრი თეატრალური მოვლენა მოხდა რაც თავისთავად კარგია.

მართალია, სიმრავლე არ განსაზღვრავს ხარისხს. თუმცა, ერთხელაც შეიძლება სიმრავლემ დაბადოს ხარისხი. მითუმეტეს როდესაც ხარისხის გამოცდილება არსებობს.

მესხიშვილის თეატრს გააჩნია თავისი სიმაღლე, მის სცენაზე განხორციელებულა ბევრი საინტერესო სპექტაკლი, მაგრამ აქ სხვა ხარისხზეა საუბარი, რომელიც გააჩნდა ამ თეატრს და იგი ახსოვს, ყოველ შემთხვევაში - ისტორიას.

ახსოვს დიდი სიმაღლეები და დადგმის უმაღლესი პილოტაჟები. რომელთაც ნიჭიერ ავტორთა მთელი გუნდი ქმნიდა.

ისინი ზუსტად ხვდებოდნენ რა გაექტიურებინათ და როგორ, როგორ მოეტყუებინათ ცენზურა, რა ამოეტანათ კლასიკის სიღრმეებიდან და როგორ მიეცათ მათთვისი ახალი სიცოცხლე, როგორ ექციათ მოძველებული და მოსაწყენი ნოვაციად, ზოგადი და განყენებული - პოლიტიკურ აქტად.

როგორც ლუის კეროლის "ალისას" გმირები მიუთითებენ თუ წინ არ მიდიხარ მაშინ მიდიხარ უკან, ერთი ადგილის ტკეპნა უკან სვლაა. თუკი ნოვაციურს არ აკეთებ, არსებული დონისა და ხარისხის შენარჩუნება და ამაზე გამოკიდება საბოლოოდ უკუსვლაა.

მესხიშვილის თეატრი, მის რეპერტუარში არსებული რამდენიმე საინტერესო სპექტაკლის მიუხედავად, მაინც ერთ ადგილს ტკეპნის. მას გააჩნია გარკვეული ხარისხი, მაგრამ ეს "მარაგიც" გაიხარჯება, ექსპერიმენტის, გაბედულების, დაუკრეფავში გადასვლის, სხვა მდინარეში შესვლის გარეშე.

თავის გადარჩენა, ალბათ, მაინც შეტევაშია, ნაკლებად მუდმივ თავდაცვაში.

შესაძლებელია ამ შეტევას მარცხიც ახლდეს მაგრამ მცდელობაც საქმეა. როგორც მეკობრე უილ ტერნეტი ამბობს, არც ერთი საქმე წაგებული არ არის, თუკი მისთვის თუნდაც ერთი სულელი იბრძვის. თეატრისმოყვარულები სწორედ ამ "ერთი სულელის" მოლოდინში ვართ.

Print E-mail
FaceBook Twitter
მსგავსი სიახლეები
თეატრებმა, საქართველოში არსებულს სხვა სახელოვნებო და კულტურულ
ორგანიზაციებთან ერთად, ახალი კორონავირუსით გამოწვეულ ინფექციასთან
დაკავშირებული ზოგადი რეკომენდაციები  მიიღეს.
18:42 / 16.06.2020

თეატრებმა, საქართველოში არსებულს სხვა სახელოვნებო და კულტურულ ორგანიზაციებთან ერთად, ახალი კორონავირუსით გამოწვეულ ინფექციასთან დაკავშირებული ზოგადი რეკომენდაციები  მიიღეს.


Საქართევლოს ჯანდაცვისა და კულტურის სამინისტროებმა, დახურულ სივრცეში
ღონისძიების ხანგრძლივობა განსაზღვრეს და სხვა რეკომენდაციებიც
გასცეს.
14:00 / 11.06.2020

Საქართევლოს ჯანდაცვისა და კულტურის სამინისტროებმა, დახურულ სივრცეში ღონისძიების ხანგრძლივობა განსაზღვრეს და სხვა რეკომენდაციებიც გასცეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.