ახალი ამბები
700 კომლიან სოფელში ამის მიზეზი ის ერთდერთი გზაა, რომელიც რელიეფური მდებარეობის გამო, ნაადრევად დიდთოვლობისას იკეტება. ადგილობრივები გამოსავალს, ალტერნატიული, მუხურა-მუჯირეთის 7 კილომეტრიანი გზის მოწყობაში ხედავენ.
სოფელში არც მაღაზიაა და არც აფთიაქი. ამის გამო მოსახლოება მედიკამენტებს და საკვებს შეძლებისდაგვარად იმარაგებს.
"სასწრაფოს მანქანაც ვერ ამოდის" - ტყიბულის სოფელში გზის გაყვანას ითხოვენ
14:15 / 07.09.2020
ტყიბულის მუნიციპალიტეტის სოფელი მუხურა
წელიწადში 6 თვით გარესამყაროს წყდება.
700 კომლიან სოფელში ამის მიზეზი ის ერთდერთი გზაა, რომელიც რელიეფური მდებარეობის გამო, ნაადრევად დიდთოვლობისას იკეტება. ადგილობრივები გამოსავალს, ალტერნატიული, მუხურა-მუჯირეთის 7 კილომეტრიანი გზის მოწყობაში ხედავენ.
თეიმურაზ ქურციკიძის ოჯახი ერთ-ერთია იმათგან,
ვინც მუხურაში ცხოვრობს და გზის ჩაკეტვის შედეგად შექმნილ პრობლემებს
ხშირად აწყდება.
,,ერთი წლის წინ, თებერვალში, დედა ავად
გახდა. დიდი თოვლი იყო. სასწრაფო გამოვიძახეთ. 15 წუთში დამირეკეს და
მითხრეს, რომ ტყიბულის ერთ-ერთ ცენტრალური ქუჩის ზემოთ ვეღარ მოდიან.
მოვიძიე კერძო მანქანა და ისე წავიყვანე საავადმყოფოში. ასეთი
შემთხვევები ხშირია. ამ სოფელში ადამიანების სიცოცხლე საფრთხის ქვეშ
დგას."
მუხურასთან
დამაკავშირებელი გზა ზამთარში, რომელიც მუდმივად
იკეტება
სოფელში არც მაღაზიაა და არც აფთიაქი. ამის გამო მოსახლოება მედიკამენტებს და საკვებს შეძლებისდაგვარად იმარაგებს.
"ერთ მეზობელს აქვს პირველადი
დახმარების სამედიცინო ნივთები, მაგრამ მარაგი მასაც ხომ ეწურება?
როცა გზა იკეტება, სოფლის ტრანსპორტიც ვერ დადის. მუხურა-მუჯირეთის
გზით რაიონულ ცენტრამდე რომელიმე ერთი მეზობელი მიდის, მედიკამენტებს
და საკვებსაც ვაბარებთ და მოაქვს. ბუნებრივია, ყოველდღე ცენტრამდე
სოფლიდან ასეთ დროს ვერავინ
წავა."
უგზოობის გამო სოფელს ადგილობრივებიც ტოვებენ.
საყოველთაო აღწერის მიხედვით, სოფელში 2002 წელს 2 250 ადამიანი
ცხოვრობდა, 2014 წელს მათი რაოდენობა თითქმის განახევრდა და
1412 გახდა.
ცოტნე აბესაძე ამბობს, რომ მუხურაში ზამთარში
ძირითადად მოხუცები რჩებიან.
„იმის გამო, რომ თვეობით სოფელი
იკეტება, ახალგაზრდები ნაკლებად რჩებიან".
პრობლემების გადასაჭრელად სოფელში ახალგაზრდებმა
ახალგაზრდული მოძრაობა ,,ძლიერი მუხურა" შექმნეს. ორი წელია ისინი
გზის პრობლემის მოგვარებას, ალტერნატურლი, მუხურა-მუჯირეთის 7
კილომენტრიანი გზის მოწყობით, ადგილობრივ თვითმმართველობასა და
რეგიონული განვითარებისა და ინფრასტრუქტურის სამინისტროსა და
მუნიციპალური განვითერების სააგენტოს სთხოვენ.
,,3-დან 4 მილიონამდე ჯდება გზის
გაკეთებაო. ბიუჯეტში გათვალისწინებული არ არისო,
გვპასუხობენ."
ტყიბულის მერიაში ამბობენ, რომ სოფლამდე
მისასვლელი გზის პრობლემა არ არსებობს. გზა იშვიათად, დიდთოვლობისას, რამდენიმე დღე იკეტება. ტყიბულის
მერიის ინფრასტრუქტურისა და კეთილმოწყობის სამსახურის უფროსი ზაზა
ზოსიაშვილის თქმით, ალტერნატიურლი გზის მოსაწყობად კი, თანხა ბიუჯეტში
არ აქვთ, რადგან გზის რეაბილიტაცია დააახლოებით 5-6 მილიონ ლარამდე
ჯდება.
,,მივმართეთ რეგიონული განვითარების და
ინფრასტრუქტურის სამინისტროსაც და გვითხრა, რომ სამინისტროს მიერ
გამოყოფილ ბიუჯეტში გავითვალისწინოთ, მაგრამ ძვირადღირებულია და არ
ვიცით მომავალი წლის ბიუჯეტში როგორ გავითვალისწინებთ. ჯერჯერობით
გადაწყვეტილება მიღებული არაა.“
ახალგაზრდული მოძრაობის წევრები პრობლემის
მოგვარებას ამჯერდ აქციით შეეცდებიან.
ავტორი: ანა ჯიქია
ავტორი: ანა ჯიქია
მსგავსი სიახლეები
12:54 / 15.09.2025
ჭიათურაში მაღაროელები უკვე მე-200 დღეა, ქუჩაში არიან გამოსული და
სამართლიანი და ღირსეული სამუშაო გარემოსთვის იბრძვიან.
12:47 / 15.09.2025
„საგზაო მოძრაობის შესახებ“ კანონში განხორციელებული ცვლილებების
შესაბამისად, 1-ელი ოქტომბრიდან CE, DE კატეგორიების და C1E, D1E
ქვეკატეგორიების სატრანსპორტო საშუალების მართვის უფლების მისაღები
გამოცდების პრაქტიკული ნაწილი ორეტაპიანი ხდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები