რეგიონი
ბაღდათის მუნიციპალიტეტში ხელფასები შესაძლოა შემცირდეს
FaceBook
ქუთაისიპოსტის ინფორმაციით, ბაღდათის მუნიციპალიტეტის გამგეობაში დასაქმებულების ხელფასები შესაძლოა შემცირდეს. ხელფასი სავარაუდოდ, 100 ლარით მიმდინარე წლის ივლისიდან შემცირდება. ქუთაისიპოსტის ინფორმაციით, ამის მიზეზი მიმდინარე წლის ბიუჯეტის არასწორი დაგეგმვაა.

ინფორმაციას ამის შესახებ არ ადასტურებს ბაღდათის გამგებლის მოვალოების შემსრულებელი არჩილ გოგსაძე. თუმცა, აღნიშნავს რომ ამ საკითხზე მუშაობა მიმდინარეობს და გარკვეული ცხრილები მომზადდა.

"ეს საკითხი არის მოსამზადებელ დონეზე. ჯერ საბოლოო გადაწყვეტილება ამის თაობაზე არ არის. ზოგადად კანონმდებლობა იცვლება საჯარო მოხელეებთან დაკავშირებით, შემოდის ახალი რანგირება. შესაბამისად, მუნიციპალიტეტების დაფინანსება კატეგორიების, მოსახლეობის მიხედვით მოხდება. ამასთან დაკავშირებით, ჯერ-ჯერობით არის საუბარი მხოლოდ სამომავლოდ.

ყველა მუხლი, ყველა პარამეტრი უკვე გათვლილი იყო ჩემ მოსვლამდე, ნოემბრის დასაწყისში, მე კი ნოემბრის ბოლოს დავინიშნე აქ, ამიტომ ყველაფერი განსაზღვრული იყო და ვხელმძღვანელობ იმ ბიუჯეტით, რომელიც დამხვდა.

ეს არ იქნება არც დღეს და არც ხვალ. უახლოეს მომავალში არაფერი არ განხორციელდება. ყოველშემთხვევაში რაღაც გარკვეული ცხრილები მომზადდა მაგრამ ეს ჯერ არაფერს არ ნიშნავს. როგორც კი საკითხი დაისმება ვიმუშავებთ იმ მიმართულებით, რომ ხელფასები არ შემცირდეს", - ამბობს ჩვენთან საუბარში არჩილ გოგსაძე.

ბაღდათის მუნიციპალიტეტის გამგეობაში ამ დროისთვის 100 ადამიანია დასაქმებული. მათი საშუალო ხელფასი 500-450 ლარს შეადგენს, ხოლო მაქსიმალური ხელფასი, საჯარო მოხელეებისთვის 1 200 ლარია განსაზღვრული.

ბაღდათის მუნიციპალიტეტი ბიუჯეტის მოცულობა 4 223 700 ლარს შედგენს, საიდანაც სახელფასო ფონდისთვის (საკრებულო და გამგეობა) 1 123 000 ლარია განსაზღვრული, აქედან 790 000 ლარის გამგეობის თანამშრომელების ხელფასებზეა გათვლილი.


თეონა წითაძე

Print E-mail
FaceBook Twitter
მსგავსი სიახლეები
ქუთაისიპოსტის ინფორმაციით,
წყალტუბოს #2 საჯარო სკოლის  დირექტორმა გიორგი ბენიძემ, 
მეხუთე კლასის სამი მოსწავლე,  კლასში, გაკვეთილის მიმდინარეობის
დროს  დააჩოქა.
15:47 / 10.10.2019

ქუთაისიპოსტის ინფორმაციით, წყალტუბოს #2 საჯარო სკოლის  დირექტორმა გიორგი ბენიძემ,  მეხუთე კლასის სამი მოსწავლე,  კლასში, გაკვეთილის მიმდინარეობის დროს  დააჩოქა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.