რეგიონი
"მოდი ღამე მუზეუმში" - ტყიბულის მხარეთმცოდნეობის მუზეუმს ათობით დამთვალიერებელი ესტუმრა
FaceBook
ტყიბულის მხარეთმცოდნეობის მუზეუმს  27 მაისს ყველა ასაკის დამთვალიერებელი სტუმრობდა. მათ მუზეუმის უფასოდ დათვალიერების შესაძლებლობა აქცია "მოდი ღამე მუზეუმში" ფარგლებში ქონდათ.   
მუზეუმში  წარმოდგენილი იყო ნაქერალას ქედზე მდებარე მღვიმე "დათვის მახე"-ში ნაპოვნი მუსტიეს ეპოქის დროინდელი გამოქვაბულის დათვის ნაშთები. ასევე, ახალსოფლის ტბის მიდამოებში, ღია ტიპის ნასახლარზე აღმოჩენილი ნეოლითის ხანის არტეფაქტები, შრომისა და სამონადირეო იარაღები, უძველესი ხელსაფქვავი.



გამოფენილ ექსპონანტებს შორის აგრეთვე, იყო ლაღორის ტერიტორიაზე ადრეფეოდალური და შუა ხანის რკინის სადნობი ქურის ყელები, უძველესი საბრძოლო იარაღები, რომელთაგან ყველაზე ძველი ერეკლე მეფის დროინდელი დამბაჩაა. წარმოდგენილი იქნა ასევე, ყველა ის მინერალი, რომლებიც ოკრიბის ტერიტორიაზე მოიპოვება.



ტყიბულის მხარეთმცოდნეობის მუზემში ამ დღეს მოხდა მეშახტეთა ისტორიის ამსახველი საგამოფენო დარბაზის პრეზენტაცია, რომელიც წელს განახლდა და აღდგა. აღნიშნულ საგამოფენო დარბაზში წარმოდგენილი იყო ძველი ფოტომასალა, ნახშირის მოპოვების ისტორიის ამსახველი დოკუმენტაცია, პირველი სპეცტანსაცმელი და იარაღები, რომლის საშუალებთაც ნედლეულის მოპოვება ხდებოდა.

აქცია საქართველოს კულტურისა და ძეგლთა დაცვის სამინისტროს ინიციატივით მოეწყო.

აქციას "ღამე მუზეუმში" - საფუძველი ჩაეყარა 2005 წელს ევროსაბჭოს მიერ და მას შემდეგ რეგულარულად ტარდება ევროსაბჭოს წევრ ქვეყნებში. მოგვიანებით, აქციამ ფართო მასშტაბი მიიღო და გავრცელდა მსოფლიოს მრავალ ქვეყანაში. აქციის "ღამე მუზეუმში" ტრადიციად დამკვიდრების ინიციატივით საქართველოს კულტურისა და ძეგლთა დაცვის სამინისტრო 2015 წელს გამოვიდა. 2016 წლის 21 მაისს, საქართველოს თითქმის ყველა მუზეუმი დამთვალიერებელს ღამის 1 საათამდე მასპინძლობდა.


თეონა ჯანელიძე
Print E-mail
FaceBook Twitter
მსგავსი სიახლეები
ახალი წლის მთავარი ატრიბუტი, ნაძვის ხე იმერეთის 12
მუნიციპალიტეტიდან 11-ში უკვე აანთეს.
17:53 / 27.12.2021
ახალი წლის მთავარი ატრიბუტი, ნაძვის ხე იმერეთის 12 მუნიციპალიტეტიდან 11-ში უკვე აანთეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.