რეგიონი
დარღვევების გამო "ჯორჯიან მანგანეზში" სპეციალური მმართველი დანიშნეს
FaceBook
შპს "ჯორჯიან მანგანეზში" სპეციალური მმართველი დანიშნეს. პოსტი საწარმოს ყოფილი  წარმომადგენელს ნიკოლოზ ჩიქოვანს ჩააბარეს. ინფორმაციას ამის შესახებ საქართველოს გარემოს დაცვის სამინისტრო ავრცელებს.

"კომპანია, რომელიც წლებია ფლობს მანგანუმის მადნის მოპოვების ლიცენზიასა და ახორციელებს მანგანუმის გამდიდრებისა და გადამუშავების საქმიანობას, სახელმწიფოს მხრიდან არაერთი დაჯარიმებისა და ადგილზე მძიმე ეკოლოგიური მდგომარეობის გამოსწორების მიზნით გონივრული ვადების განსაზღვრისა, კვლავ აგრძელებდა საქმიანობას გარემოსდაცვითი კანონმდებლობის მძიმე დარღვევით, რაც საბოლოოდ დადასტურდა მიმდინარე თვეს განხორციელებული დათვალიერების შედეგად.

გაირკვა, რომ მდგომარეობა როგორც მდინარის, ასევე ნიადაგის დაბინძურებისა და დეგრადაციის კუთხით არათუ გამოასწორა კომპანიამ, არამედ ბევრად დაამძიმა, რაც ადგილზე ფაქტობრივად ეკოლოგიური კატასტროფის მდგომარეობის ტოლფასს სიტუაციას ქმნის. შესაბამისად, კანონმდებლობის მოთხოვნათა სრული დაცვით, სამინისტროს მხრიდან მოთხოვნილი შუამდგომლობა, სამართლიანად დაკმაყოფილებულ იქნა სასამართლოს მიერ და კომპანიაში შეყვანილ იქნა სახელმწიფოს მიერ დანიშნული სპეციალური მმართველი, რომელიც იქნება პასუხისმგებელი სიტუაციის ეტაპობრივ გამოსწორებაზე", - ნათქვამია სამინისტროს მიერ გავრცელებულ განცხადებაში.

ქუთაისიპოსტის ინფორმაციით, საწარმომ მუშაობა მიმდინარე წლის 29 აპრილიდან 11 მაისამდე  ეტაპობრივად შეწყვიტა

პროფკავშირული ორგანიზაციის თავმჯდომარის კახა მაჩიტიძის ინფორმაცით, ქარხანას 17 მილიონი ლარის დავალიანება  ქონდა, რის გამოც, ელექტროენერგია სრულად გაითიშა. ამის გარდა,  ქარხნის გაჩერების მიზეზი საკადრო ცვლილებებიც სახელდებოდა.  შპს  "ჯორჯიან მანგანეზის" საზოგადოებასთან ურთიერთობის სამსახურის უფროსმა, ზაქარია ზალიკაშვილმა ჩვენთან  11 მაისს სატელეფონო საუბრისას განმარტა, რომ  უკვე შესაბამის უწყებებთან ურთიერთოებები დაალაგეს და საწამომ მუშაობა აღადგინა.
Print E-mail
FaceBook Twitter
მსგავსი სიახლეები
15:14 / 11.09.2021
"წარდგენის ჩაშლა სცადეს" - ასე აფასებენ ოპოზიციური პარტიის წევრები დღეს ვანში მომხდარ ინცინდენტს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.