რეგიონი
ზესტაფონში ფეროშენადნობთა ქარხანა გაჩერებულია - "მუშები შვებულებაში გაუშვეს"
FaceBook
ზესტაფონში, ფეროშენადნობთა ქარხანა გაჩერებულია. ქუთაისიპოსტის ინფორმაციით, საწარმომ მუშაობა მიმდინარე წლის 29 აპრილიდან ეტაპობრივად შეწყვიტა, ხოლო 5 მაისიდან ქარხანაში ყველა ღუმელი გამოირთო.

პროფკავშირული ორგანიზაციის თავმჯდომარის კახა მაჩიტიძის ინფორმაცით, ქარხანას 17 მილიონი ლარის დავალიანება აქვს, რის გამოც, ელექტროენერგია სრულად გაითიშა.

"საუბარია, სარეზერვო ფონდიდან მოხმარებული ელექტროენერგიის თანხაზე, რომელიც ქარხანამ წინა ხელისუფლების დროს მოიხმარა. აღნიშნული თანხის გადახდის მოთხოვნით არაერთხელ მიმართეს საწარმოს ხელმძღვანელობას. რამდენიმე თვის წინ, ამის გამო საწარმოს მუშაობაც კი შეფერხდა. ამჟამად ქარხანა მთლიანად გაჩერდა, მუშახელი კუთვნილ შვებულებაში გაუშვეს", - ამბობს კახა მაჩიტიძე.

მისი ინფორმაციით, ადგილზე არ იმყოფება ფეროსშენადნობთა ქარხნის დირექტორი ვასილ გერეგა და ჯორჯიან მანგანეზის გენერალური დირექტორი ვლადიმირ ლოზინსკი.

ქარხანაში მუშაობის გაჩერებას ჩვენთან საუბარში ადასტურებენ თავად დასაქმებულებიც. თუმცა პოზიციის საჯაროდ დაფიქსირებისგან თავს იკავებენ.  

ზესტაფონში იმასაც განმარტავენ, რომ შესაძლოა ვასილ გერეგა სხვამ ჩაანაცვლოს და საწარმოს გაჩერება დავალიანესთან ერთად, ამ საკადრო ცვლილებასაც უკავშირდებოდეს. 

ქუთაისიპოსტი "ჯორჯიან მანგანეზის"  საზოგადოებასთან ურთიერთიერთობის  სამსახურის უფროსს, ზაქარია ზალიკაშვილს დაუკავშირდა, რომელმაც განგვიმარტა, რომ კომენატრს მოგვიანებით გააკეთებს. საწარმოს ადმინისტრაციის პოზიციას, მათი მხრიდან პასუხის მოწოდებისთანავე შემოგთავაზებთ.  

ზესტაფონში არსებულ ფეროშენადნობთა ქარხანაში დასაქმებულები მუშები და პროფკავშირის წარმომადგენლები გასულ წელს პირობების გაუმჯობესების მიზნით საპროტესტო აქციას აანონსებდნენ. თუმცა,  მაშინ  აქცია არ შედგა.

"ჩვენი საშვი დაბლოკეს და ვერ შევდივართ ქარხანაში, რათა მუშები ვნახოთ. ასევე, დაემუქრნენ მუშებსაც, თუკი ისინი აქციას გამართავდნენ, გაათავისუფლებდნენ საწარმოდან. როგორც ვიცით, მათ შეპირდნენ, რომ საქნახშირის დირექტორი შეხვდებოდა. ფაქტია, რომ საშუალება არ მოგვცა აქციის გამართვის", - განმარტავდნენ პროფკავშირის წარმომადგენლები.


ეკა  დუგლაძე
Print E-mail
FaceBook Twitter
მსგავსი სიახლეები
ქუთაისიპოსტის ინფორმაციით,
წყალტუბოს #2 საჯარო სკოლის  დირექტორმა გიორგი ბენიძემ, 
მეხუთე კლასის სამი მოსწავლე,  კლასში, გაკვეთილის მიმდინარეობის
დროს  დააჩოქა.
15:47 / 10.10.2019

ქუთაისიპოსტის ინფორმაციით, წყალტუბოს #2 საჯარო სკოლის  დირექტორმა გიორგი ბენიძემ,  მეხუთე კლასის სამი მოსწავლე,  კლასში, გაკვეთილის მიმდინარეობის დროს  დააჩოქა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.