რეგიონი
დააჩოქა თუ არა წყალტუბოს სკოლის დირექტორმა მოსწავლეები? – რა მოხდა სკოლაში
FaceBook

ქუთაისიპოსტის ინფორმაციით, წყალტუბოს #2 საჯარო სკოლის  დირექტორმა გიორგი ბენიძემ,  მეხუთე კლასის სამი მოსწავლე,  კლასში, გაკვეთილის მიმდინარეობის დროს  დააჩოქა.


შემთხვევა რამდენიმე თვის წინ მოხდა.


გიორგი ბენიძემ, რომელიც ბავშვებს  ისტორიას ასწავლიდა, მოზარდები  მუხლებზე იმის გამო დააყენა, რომ მოსწავლეებმა გაკვეთილი არ იცოდნენ და ხმაურობდნენ.

როგორც ქუთაისიპოსტს უყვებიან, მომხდარის შემდეგ მოზარდების მშობლებმა სკოლის დირექტორი დაიბარეს და კლასის წინაშე  ბოდიში მოახდევინეს.


ინფორმაციას ადასტურებენ ამავე კლასის მოსწავლეები.


„ხმაურობდნენ. გამოიყვანა და დააჩოქა. ერთი დაფასთან,  ორი კედელთან. ახლა სხვა მასწავლებელი გვასწავლის “, – ამბობს ერთ–ერთი მოსწავლე.


მოზარდების მიმართ დასჯის სასტიკი და  დამამცირებელი მეთოდის გამოყენებას ადასტურებენ სამი მოზარდიდან  ერთ–ერთის  ოჯახში.

„ყველაფერი გარკვეულია. მან ბოდიში მოიხადა მთელი კლასის წინაშე“,–ამბობს მოზარდის ბებია.



მომხდარზე საუბარი არ სურს კლასის დამრიგებელს. თამარ მიქაუტაძე ფაქტს არ უარყოფს, მაგრამ არც ადასტურებს.

„ვერაფერს გეტყვით, მიმართეთ დირექტორს“, – ამბობს თამარ მიქაუტაძე.



მოზარდების სამაგალითოდ დასჯას უარყოფს გიორგი ბენიძე და  ამბობს, რომ მსგავსი რამ არ მომხდარა.


„არასწორი ინფორმაცია გაქვთ. არც ერთ მშობელს ჩემთვის არ მოუმართავს ამის შესახებ. მე თუ ბავშვი დავაჩოქე, დავაბულინგე, ბავშვმა სახლში მიიტანა ამბავი, მშობელს უთხრა და მშობელმა   არავის  მიმართა? ყველა ბავშვთან მაქვს კარგი ურთიერთობა და ვთვლი, რომ ბავშვი კი არ უნდა დავაბულინგოთ, პირიქით, სტიმული უნდა მივცეთ“,–ამბობს გიორგი ბენიძე.


გიორგი ბენიძე აღნიშნულ კლასს აღარ ასწავლის. ქუთაისიპოსტის ინფორმაციით, მან  ჯგუფი  სწორედ ამ ფაქტის გამო დატოვა, თუმცა, თავად ამბობს, რომ გაკვეთილების ჩატარებაზე უარი გადატვირთული გრაფიკის გამო თქვა.


მომხდართან დაკავშირებით ქუთაისპოსტმა განათლების სამინისტროს მიმართა, თუმცა,   სამინისტროში არ გვითხრეს იციან თუ არა მომხდარის შესახებ და არც ინფორმაციაზე რეაგირების პირობა მოგვცეს. გვითხრეს, რომ ფაქტის შესახებ წერილობით უნდა ვაცნობოთ და შესაბამისი სამსახური ვადების დაცვით გვიპასუხებს.

FaceBook Twitter
მსგავსი სიახლეები
იმერეთის ერთ–ერთ სოფელში, 
50 წლის მამაკაცს, მისი ბიძაშვილის შვილიშვილის,  ხუთი წლის
გოგონას მიმართ გარყვნილ ქმედებაში ედება ბრალი.
14:57 / 05.10.2019

იმერეთის ერთ–ერთ სოფელში,  50 წლის მამაკაცს, მისი ბიძაშვილის შვილიშვილის,  ხუთი წლის გოგონას მიმართ გარყვნილ ქმედებაში ედება ბრალი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.