რეგიონი
ხარაგაულში გაფიცული მუშები მუშაობას განაახლებენ
FaceBook
ხარაგაულში რკინისგზის მშენებლობაზე დასაქმებული მუშების ორდღიანი გაფიცვა დასრულებულია. დამსაქმებელმა მუშების მოთხოვნები დააკმაყოფილა.
საშვებულებო თანხის ანაზღაურება, უსაფრთხოების ნორმების დაცვა და შვებულების გამოუყენებელი დღეებით სარგებლობის უფლება - ამ საკითხების მოგვარებას სთხოვდნენ უცხოურ კომპანიას მშენებლობაზე დასაქმებული მუშები.

ჩვენთან საუბარში ერთ-ერთი მუშა ამბობს, რომ უსაფრთხოების ნორმების დაცვას შეჰპირდნენ. რაც შეეხება, სხვა მოთხოვნებს, მისი თქმით, ესეც შესრულებული იქნება.

გიორგი კიკნაძე რკინიგზაში დასაქმებული ერთ-ერთი გაფიცულია, რომელიც საშვებულებო თანხის, 600 ლარის ანაზღაურებას ითხოვდა.

"ამინაზღაურდება ჩემი დანაკლისი და ყველა ასეა. ყველა მოთხოვნა დაკმაყოფილებულია, ამიტომ განვაახლებთ მუშაობას, " - ამბობს კიკნაძე.

რკინიგზაში დასაქმებულები მუშაობას მას შემდეგ გააგრძელებენ, რაც სიტყვიერად მიღწეული შეთანხმება ოფიციალურად გაფორმდება, რაც მათი ვარაუდით ორი დღის ვადაში უნდა მოხდეს.

"ჩვენი იურისტებისა და რკინიგზაში დასაქმებულების ერთობლვი მუშაობით მოეწერა ხელი შუალედურ შეთანხმებას, რომლის საფუძველზე გამოუყენებელი და დარჩენილი შვებულებების გამოყენების საშუალება მიეცემათ ადამიანებს. ასევე, კონტრაქტით მითითებულ ვადებში გააგრძელებს მუშაობას თითოეული დასაქმებული. არიან ისეთები, რომლებიც მარტის ბოლომდე იმუშავებენ და ასეთი 20 ადამიანია, ხოლო დანარჩენები იანვრის ბოლოს შეწყვეტენ მუშაობას, ისე როგორც ხელშეკრულებითაა გათვალისწინებული. მნიშვნელოვანია, რომ შეთანხმებით თავად მუშები კმაყოფილები არიან," - ამბობს "რკინიგზელთა ახალი პროფკავშირების" პრეზიდენტი ვიტალი გიორგაძე.

ხარაგაულის სოფელ ბეჟათუბანში სარკინიგზო გვირაბის სამუშაოებზე 60-მდე დასაქმებული  15 იანვარს გაიფიცა.

ხარაგაულში მუშები 2016 წელსაც გაიფიცნენ. ისინი მაშინაც მძიმე და გაუსაძლის სამუშაო პირობებს უჩიოდნენ.

გაფიცული მუშების მოთხოვნა უცხოურ კომპანიისგან  (ჩინური)  სამუშაო პირობების გაუმჯობესება იყო. 

გაფიცულები მაშინ აცხადებდნენ, რომ პროტესტი იქამდე გაგრძელდებოდა, ვიდრე დამსაქმებლები მათ ინტერესებს არ გაითვალისწინებდნენ. თუმცა, ოთხდღიანი პროტესის შემდეგ სამუშაოს ისევ დაუბრუნდნენ.
Print E-mail
FaceBook Twitter
მსგავსი სიახლეები
ქუთაისიპოსტის ინფორმაციით,
წყალტუბოს #2 საჯარო სკოლის  დირექტორმა გიორგი ბენიძემ, 
მეხუთე კლასის სამი მოსწავლე,  კლასში, გაკვეთილის მიმდინარეობის
დროს  დააჩოქა.
15:47 / 10.10.2019

ქუთაისიპოსტის ინფორმაციით, წყალტუბოს #2 საჯარო სკოლის  დირექტორმა გიორგი ბენიძემ,  მეხუთე კლასის სამი მოსწავლე,  კლასში, გაკვეთილის მიმდინარეობის დროს  დააჩოქა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.