ავტოსატრანსპორტო საშუალების მართვის მოწმობის მისაღებად საჭირო ასაკი შესაძლოა, შეიცვალოს და 17 წლიდან 18 წლამდე გაიზარდოს.
ამის შესახებ „საგზაო მოძრაობის შესახებ“ კანონში დაგეგმილი ცვლილებების კანონპროექტშია აღნიშნული.
პროექტის ავტორი შინაგან საქმეთა სამინისტროა,იგი პარლამენტში უკვე წარდგენილია. ცვლილებების მიხედვით, საუბარია A1 ქვეკატეგორიისა (მოტოციკლი) და B კატეგორიის (მსუბუქი ავტომობილი) მართვის მოწმობებზე. შესაბამისად, თუ აქამდე ამ კატეგორიებზე მართვის უფლება პირი 17 წლიდან იღებდა, ცვლილების შედეგად ეს ასაკი 18 წელი გახდება.
„ევროკავშირის წევრი 28 სახელმწიფოდან დიდ უმრავლესობაში B კატეგორიის
მართვის მოწმობის უფლების მინიჭება ხდება 18 წლიდან. იმ ქვეყნებში,
სადაც აღნიშნული კატეგორიებისთვის მინიმალური ასაკი არის 17 წელი,
საგზაო უსაფრთხოების ნორმები გაცილებით მაღალ დონეზეა, ვიდრე ამ
ეტაპზე საქართველოში. მიუხედავად საქართველოში დღეისათვის მოქმედი
ქულათა სისტემის, უკონტაქტო პატრულირებისა და ტექნიკური ინსპექტირების
რეგულაციებისა, საგზაო უსაფრთხოება კვლავ მნიშვნელოვან გამოწვევად
რჩება. შესაბამისად, აღნიშნული ცვლილებაც ემსახურება საგზაო
უსაფრთხოების დონის გაუმჯობესებას,“-აღნიშნულია პროექტის განმარტებით
ბარათში.
ქუთაისში მომხდარ მკვლელობასთან დაკავშირებით შინაგან საქმეთა სამინისტრო ოფიციალურ ინფორმაციას ავრცელებს.
მასალის გამოყენების პირობები