ახალი ამბები
ჯარისგან თავის არიდების მცდელობაზე ჯარიმა დაწესდება
FaceBook
სავალდებულო სამხედრო სამსახურისგან თავის არიდებაზე შესაძლოა, ჯარიმა დაწესდეს.

აღნიშნული შესახებ მთავრობის მიერ მომზადებულ კანონპროექტშია აღნიშნული, რომლის წარდგენაც პარლამენტში მიმდინარე წლის საშემოდგომო სესიაზე მოხდება.

როგორც პროექტშია აღნიშნული, ხშირად ხდება სამხედრო სამსახურის მოხდისთვის თავის არიდება როგორც სხეულის თვითდაზიანებით, ავადმყოფობის სიმულაციით ან სხვაგვარი მოტყუებით. გარდა ამისა, ხშირია სამხედრო ვალდებულების მოხდისთვის თავის არიდების მიზნით სამხედრო სავალდებულო სამსახურში გამწვევ კომისიაში შესაბამისი გაწვევის პერიოდში განმეორებით გამოუცხადებლობა.

კანონპროექტის თანახმად კი, ავადმყოფობის მოჩვენებით, სხეულის თვითდაზიანებით ან სხვაგვარი მოტყუებით სამხედრო სავალდებულო სამსახურისათვის თავის არიდების მცდელობა ადმინისტრაციულ სამართალდარღვევად განისაზღვრება. გარდა ამისა, დაწესდება პასუხისმგებლობა სამხედრო სავალდებულო სამსახურში გამწვევ კომისიაში, შესაბამისი გაწვევის პერიოდში განმეორებით გამოუცხადებლობის შემთხვევაში, ხოლო, ჯარიმად 2000 ლარი განისაზღვრება.

გარდა ამისა, კანონპროექტის თანახმად, ახლებურად უნდა ჩამოყალიბდეს სამხედრო სავალდებულო სამსახურის გადავადების მოსაკრებლის განაკვეთის საკითხი. კერძოდ, მოსაკრებლის გადახდის შედეგად, სამხედრო სავალდებულო სამსახურის გადავადების პერიოდი უნდა შემცირდეს და ნაცვლად 18 თვისა, უნდა განისაზღვროს 12 თვით.

"ამასთან, კანონის მოქმედი რედაქცია ითვალისწინებს პირის მიერ სამხედრო სავალდებულო სამსახურის გადავადების უფლებით მხოლოდ ორჯერ სარგებლობას, მაგრამ არაუმეტეს 25 წლის ასაკისა. კანონპროექტით ხდება სამხედრო სავალდებულო სამსახურის გადავადების უფლებით სარგებლობისას ასაკობრივი დათქმის - "არაუმეტეს 25 წლის ასაკისა" ამოღება. რის შედეგადაც, აღნიშნული უფლებით სარგებლობა პირს შეეძლება ორჯერ, 27 წლის ასაკამდე,"-აღნიშნულია პროექტში.

bpn.ge


Print E-mail
FaceBook Twitter
თეგები: #ჯარი #კანონი
მსგავსი სიახლეები
ქუთაისში, ავანგარდისა და ე.წ.პასელოკის დამაკავშირებელ გზაზე
ხანძარია.
13:42 / 02.07.2020
ქუთაისში, ავანგარდისა და ე.წ.პასელოკის დამაკავშირებელ გზაზე ხანძარია.
1-ელი ივლისიდან სასწრაფო-სამედიცინო დახმარების პერსონალს, სოციალურ
აგენტებსა და პოლიციელებს ხელფასი გაეზარდათ.
11:25 / 02.07.2020
1-ელი ივლისიდან სასწრაფო-სამედიცინო დახმარების პერსონალს, სოციალურ აგენტებსა და პოლიციელებს ხელფასი გაეზარდათ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.