ახალი ამბები
"ქუთაისიპოსტი" მიმდინარე პოლიტიკურ პროცესებს მიუკერძოებლად აშუქებს - მედიამონიტორინგის შედეგები
FaceBook
სამოქალაქო განვითარების ინსტიტუტმა 2017 წლის ადგილობრივი თვითმმართველობის არჩევნების მედიაში გაშუქების კვლევა გამოაქვეყნა, სადაც საინფორმაციო საგენტო ქუთაისიპოსტიც მოხვდა.

ონლაინ მედიის მონიტორინგი მიმდინარე წლის 19 ივნისიდან 8 ოქტომბრის ჩათვლით პერიოდს მოიცავს.

კვლევაში აღნიშნულია, რომ მონიტორინგის პერიოდში kutaisipost.ge-ზე დადებითი ან უარყოფითი განწყობა რომელიმე პოლიტიკური ძალის მიმართ არ შეინიშნებოდა.

„ვებგვერდზე დაცულია ჟურნალისტური სტანდარტები და ეთიკის ნორმები. აღსანიშნავია, რომ სათანადოდ არის გამიჯნული კომერციული ხელშეკრულების ფარგლებში მომზადებული სტატიები სარედაქციო მასალებისგან,“ - აღნიშნულია კვლევაში.

აქვე მითითეულია, რომ kutaisipost.ge-ზე ყველაზე აქტიურად ადგილობრივი მთავრობის (40%), მთავრობისა (26%) და „ქართული ოცნების“ (16%) საქმიანობა გაშუქდა.

დადებითი ან უარყოფითი ტონის განსაკუთრებულად მაღალი პროცენტული მაჩვენებლები კი მონიტორინგის არც ერთი სუბიექტის გაშუქებისას არ გამოვლენილა.

სამოქალაქო განვითარების ინსტიტუტი კვლევაში მითითებულია ქუთაისიპოსტის მიერ მომზადებული ვიდეო გადაცემათა ციკლი „თავისუფალი ტრიბუნა“, რომლის ფარგლებშიც წარმოდგენილი იყო ინტერვიუები ქუთაისის მერობის კანდიდატებთან და ასევე, სხვადასხვა პარტიის წარმომადგენლებთან.

„აღნიშნული გადაცემები მომზადებული იყო ობიექტურად და არ შეინიშნებოდა დადებითი ან უარყოფით განწყობა ქუთაისის მერობის რომელიმე კანდიდატის მიმართ,“- მითითებულია კვლევაში.

სამოქალაქო განვითარების ინსტიტუტი, ასევე აღნიშნავს, რომ kutaisipost.ge-ზე განთავსებული სარეკლამო სტატიები სათანადოდ იყო გამიჯნული სარედაქციო მასალებისგან. სარეკლამო ხასიათის მასალებს კი ნებისმიერი მკითხველისთვის გასაგებად ჰქონდა მითთებული, რომ აღნიშნული სტატია იყო სარეკლამო.

„მონიტორინგის შედეგად, შეგვიძლია დავასკვნათ, რომ kutaisipost.ge აქტიურად და მიუკერძოებლად აშუქებს მიმდინარე პოლიტიკურ პროცესებს. ჟურნალისტური სტანდარტებისა და ეთიკის ნორმების დარღვევის შემთხვევები ვებგვერდზე არ გამოვლენილა,“- აღნიშნულია დოკუმენტში.

Print E-mail
FaceBook Twitter
მსგავსი სიახლეები
საჯარო სკოლებში 2023-2024 სასწავლო წელი დასრულდა.
11:19 / 14.06.2024
საჯარო სკოლებში 2023-2024 სასწავლო წელი დასრულდა.
რუსული ავიაკომპანია Azimuth-ი რუსეთთან პირდაპირ რეისებს ქუთაისის
საერთაშორისო აეროპორტიდანაც შეასრულებს.
09:40 / 14.06.2024
რუსული ავიაკომპანია Azimuth-ი რუსეთთან პირდაპირ რეისებს ქუთაისის საერთაშორისო აეროპორტიდანაც შეასრულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.