ახალი ამბები
"გადაუდებელია ქუთაისის პარლამენტის შენობის გარე ფასადის შეღებვა" - ანრი ოხანაშვილი
FaceBook
საქართველოს პარლამენტის ქუთაისის შენობის რეკონსტრუქციისთვის 1,5 მილიონ ლარზე მეტი დაიხარჯება.

ამ მიზნით საკანონმდებლო ორგანოში შესაბამისი კომისია უკვე შეიქმნა, რომლის თავმჯდომარე დეპუტატი ანრი ოხანაშვილი გახლავთ.

მისი თქმით, დადგემილია ქუთაისში პარლამენტის შენობის გარე პერიმეტრის მოწყობა.

"პირველადი და გადაუდებელია ქუთაისის პარლამენტის შენობის გარე ფასადის შეღებვა. იქედან გამომდინარე, რომ წყალი ჩამოდის, ფასადი დაზიანებულია. ეს გადაწყვეტილება პარლამენტის აპარატმა უკვე მიიღო და სამუშაოები უახლოეს მომავალში დაიწყება," - განმარტავს ანრი ოხანაშვილი.

რაც შეეხება შენობის გარე პერიმეტრის მოწყობას, დეპუტატის ინფორმაციით, შესაბამისი სამუშაოები მომავალი წლიდან დაიწყება.

"ქუთაისის პარლამენტის ეზოში ჯერ კიდევ არ არის გათვალისწინებული ავტომანქანების სადგომები, არ არის სივრცე დახაზული. ასევე სჭირდება დრენაჟისა და დიზაინის სამუშაოების ჩატარება. გარემო შშმ პირებისთვის ადაპტირებული არ არის და ა.შ.", – განაცხადა ოხანაშვილმა.

მისივე ინფორმაციით, ქუთაისში განსახორციელებელი პროექტებზე რა თანხა დაიხარჯება მას შემდეგ დაზუსტდება, რაც პროექტები მომზადდება და ყველა ის პროცედურა განისაზღვრება, რაც შენობის რეკონსტრუქციისთვის უნდა განხორციელდეს.

ამ დროისთვის ქუთაისში პარლამენტის მიმდებარე ტერიტორია მოუვლელი, ინფრასტრუქტურა კი განადგურებულია. ასევე, მწყობრიდანაა გამოსული წყლის ყველა ონკანი, განადგურებულია სანაგვე ურნები და მოსასვენებელი სკამები.



Print E-mail
FaceBook Twitter
მსგავსი სიახლეები
2022 წლის ივლისში საქართველოში რუსეთის ფედერაციიდან 156 737
ადამიანი შემოვიდა.
14:33 / 09.08.2022
2022 წლის ივლისში საქართველოში რუსეთის ფედერაციიდან 156 737 ადამიანი შემოვიდა.
საქართველოში კორონავირუსით  პანდემიის პერიოდში 15 103 ორსული
დაინფიცირდა.
14:27 / 09.08.2022
საქართველოში კორონავირუსით  პანდემიის პერიოდში 15 103 ორსული დაინფიცირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.