ახალი ამბები
ღობის დანგრევა და მიწის მისაკუთრება - თამარ მეფის ქუჩაზე საპატრულო პოლიცია გამოიძახეს
FaceBook
ქუთაისში, თამარ მეფის ქუჩა #1 ჩიხში მცხოვრებლებმა ბინის საზღვართან მდებარე ღობის ნაწილის მოხსნა გააპროტესტეს, რის გამოც საპატრულო პოლიცია გამოიძახეს.  საქმე ეხება, თამარ მეფის ქუჩის #1 ჩიხის ბინა #7-ში ე.წ. "ექიმების ბინის" ეზოს.  სადაც, ადგილობრივების თქმით, ღობე (მათ საცხოვრებელსა და  კერძო  მესაკუთრე ცეზარ ელიგულაშვილს სახლს ყოფდა) ელიგულაშვილმა უკანონოდ დაანგრია და ბინის ნაწილიც მიითვისა.

"იმ ღამით წვინდა საშინლად არაფერი გავიგია, ისე დაანგრიეს 4 მეტრამდე სიგრძის კედელი. შემდეგ შემთხვევით გავიგეთ გამოვედით და აღმოჩნდა, რომ კედელთან ერთად აღარ იყო ჩვენი მიწის ნაწილით. მიწაც ჩაანგრის, რომ მიითვისონ და ნაგავი ჩვენ ეზოში დაყარეს აქედან გავიტანთო. ჩვენ ავდექით და ის ნაგავი ისევ ეზოში გადავუყარეთ",  - ამბობს ჩვენთან საუბარში, თამარ მეფის #1 ჩიხში მცხოვრები, ირმა გაბუნია.


ადგილობრივების თქმით, მუშები დღესაც მივიდნენ და ღობის დარჩენულ ნაწილს ანგრევდნენ, რის გამოც საპატრულო პოლიცია გამოიძახეს. ისინი  სამართალდამცავებისგან ცეზარ ელიგულაშვილის და მის მიერ დაქირავებული მუშების შეჩერებას ითხოვდნენ.

საპარტულო პოლიციის მოსვლის დროს ბინის ერთა-ერთმა მცხოვრებმა, ჟუჟუნა მახათაძემ განაცხადა, რომ ღობის ჩამონგრევა იმ სამშენებლო კომპანიის დაკვეთით მოხდა, რომელიც ცეზარ ელიგულაშვილის სახლის გვერდით მრავალსართულიან საცხოვრებელ ბინას აშენებს.

საპატრულო პოლიიცის წარმომადგენლები სამშენებლო კომპანიის წამომადგენელს გაესაუბრენ, თუმცა მათი თქმით, ღობის დანგრევასთან სამშენებლო კომპანიას კავშირი არ აქვს. 

საპატრულო პოლიციამ ადმინისტრაციულ სამართლადარღვევის საკუთრების ხელყოფასა და დანაგვიანებაზე ოქმი შეადგინა. ხოლო მსგავსი ფაქტის განმეორების შემთხვევაში ადგილობრივებს სასამართლოსთვის მიმართვა ურჩია. 

ჩვენ ცეზარ ელიგულაშვილის ადვოკატთან ნინო მეფარიძესთან დაკავშირება რამდენიმე მცდელობის მიუხედავად ვერ შევძელით. სახლის მეპატრონე ცეზარ ელიგულაშვილი კი ისრაელში იმყოფება.


თამარ მეფის #1 ჩიხის #7 ბინის მცხოვრებლებს და ცეზარ ელიგულაშვილს შორის სადაო ტერიტორიაზე დავა უკვე 2 წელია მიმდინარეობს. ბინის მესაკუთრეები ამბობენ, რომ ელიგულაშვილმა დაახლოებით 25 კვ.მ მიწის ნაკვეთი უკანონოდ მიითვისა.

ამასთანავე, ადგილობრივები შიშობენ, რომ მათი მეზობელი მიწის სადავო მონაკვეთზე არსებულ 12 ძირი მრავალწლოვან ნაძვის ხეს მოჭრის.
აღნიშნულ საკითზე დავა უზენაეს სასამართლოში მიმდინარეობს.
Print E-mail
FaceBook Twitter



მსგავსი სიახლეები
ქუთაისში, სატრანსპორტო
მომსახურებაზე  შეღავათების დაწესების მოთხოვნიდან
ერთი წლის თავზე საკრებულოში საკითხის განხილვა
ახლა იწყება.
13:50 / 18.01.2021
ქუთაისში, სატრანსპორტო მომსახურებაზე  შეღავათების დაწესების მოთხოვნიდან ერთი წლის თავზე საკრებულოში საკითხის განხილვა ახლა იწყება.
ქუთაისის შემოსასვლელში აღმართული დროშა, რომლის
მოწყობასაც  ადგილობრივმა თვითმმართველობამ ორი წელი და 50 000
ლარი მოანდომა, ქარმა ისევ დააზიანა.
12:44 / 18.01.2021
ქუთაისის შემოსასვლელში აღმართული დროშა, რომლის მოწყობასაც  ადგილობრივმა თვითმმართველობამ ორი წელი და 50 000 ლარი მოანდომა, ქარმა ისევ დააზიანა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.