ახალი ამბები
10 ვიდეოკამერიდან, რომელიც ტყიბულის მუნიციპალიტეტმა შეიძინა, ორი გელათსა და მოწამეთაში განთავსდება
FaceBook
ტყიბულის მუნიციპალიტეტმა 10 ვიდეო სათვალთვალო კამერა შეიძინა, რომელთაგან ორი გელათისა და მოწამეთას სამონასტრო კოპლექსთან დამონტაჟდება.
8 კამერა კი ქალაქ ტყიბულის ტერიტორიაზე განთავსდება.
ამის შესახებ ქუთაისიპოსტს ტყიბულის გამგეობის ეკონომიკისა და ქონების მართვის სამსახურის უფორსმა, ალეკო ფანჩულიძემ განუმარტა.

სათვალთვალო ვიდეოკამერების შეძენაზე 35 950 ლარის ღირებულების გამარტივებული შესყიდვა (CMR170142263) მუნიციპალიტეტში მიმდინარე წლის 2 აგვისტოს შედგა. 10 კამერა კომპანია "დელტა კონსალტინგმა" შეიძინა, რომელთანაც ხელშეკრულება ამავე დღეს გაფორმდა.

ტყიბულის მუნიციპალიტეტის მსგავსად, ვიდეო სათვალთვალო კამერები იმერეთის რეგიონის დანარჩენმა მუნიციპალიტეტებმაც შინაგან საქმეთა სამინისტროს პროექტის "უსაფრთხო ქალაქი, უსაფრთხო რეგიონი, უსაფრთხო ქვეყანა" ფარგლებში შეიძინეს. კამერების დამონტაჟებისა და განთავსების შემდეგ მათი მოვლა-პარონობის კოორდინაციას სამინისტროს "ერთობლივი ოპერაციების ცენტრი" უზრუნველყოფს.

"მიმდინარე წლიდან უკლებლივ ყველა მუნიციპალიტეტში, რომელიც მონაწილეობას იღებს პროექტში, დაიწყება ვიდეოკამერების სამონტაჟო სამუშაოები, რომელიც სავარაუდოდ, 2018 წლის 18 აპრილამდე გასტანს. კამერების კონკრეტული ლოკაციები განისაზღვრება ადგილობირივი მუნიციპალიტეტისა და შსს-ს შესაბამისი დანაყოფების რეკომენდაციით," - აღნიშნულია წერილში, რომელიც ქუთაისიპოსტმა შინაგან საქმეთა სამინისტროსგან მიიღო.

უწყებაში განმარტავენ, რომ ეფექტური ვიდეო სამეთვალყურეო სისტემის მოწყობა მუნიციპალიტეტებში დანაშაულის პრევენციის, საგზაო მოძრაობის და უსაფრთოების დონის ამაღლებას და სამართალდარღვევების გამოვლენას ხელს შეუწყობს.



Print E-mail
FaceBook Twitter



მსგავსი სიახლეები
ქუთაისში, ჭავჭავაძის გამზირზე დაწყებულ ფიზიკურ დაპირისპირებას
სროლა მოჰყვა.
21:36 / 15.06.2021

ქუთაისში, ჭავჭავაძის გამზირზე დაწყებულ ფიზიკურ დაპირისპირებას სროლა მოჰყვა.

Რიონის ხეობაში, გუმათჰესთან
კარვები სამართალდამცველებმაც გაშალეს.
17:44 / 15.06.2021
Რიონის ხეობაში, გუმათჰესთან კარვები სამართალდამცველებმაც გაშალეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.