ახალი ამბები
ქუთაისის #59 საოლქო საარჩევნო კომისია "ოცნების" კანდიდატის წინააღმდეგ საჩივარს 2 დღეში განიხილავს
FaceBook
ქუთაისის #59 საოლქო საარჩევნო კომისიას ქუთაისში "ქართული ოცნების" ნიკეას უბნის მაჟორიტარობის კანდიდატის წინააღმდეგ შეტანილის განცხადების განხილვისთვის ორდღიანი ვადა აქვს. 

კომისიის განცხადებით "ნაციონალური მოძრაობის" ქალაქ-მუზეუმის ოლქის მაჟორიტარი დეპუტატობის კანდიდატმა, ნიკა ნარსიამ მიმართა. ის კახა ბოჭორიშვილის კანდიდატურის მოხსნას ითხოვს.

საუბარია, ნიკა ნარსიას მიერვე გავრცელებულ ვიდეოზე, სადაც ამომრჩეველი მმართველი გუნდის კანდიდატს დასაქმების პრობლემაზე უსაუბრება, კახა ბოჭორიშვილი კი "სასწრაფოდ სიების გადაცემას ითხოვს".

ქუთაისის #59 საოლქო საარჩევნო კომისიის ხელმძღვანელი, ავთანდილ ოსეფაიშვილი აცხადებს, რომ "ნაციონალური მოძრაობის" წარმომადგენლის განცხადება ამ დრომდე არ წაუკითხავს.

"ჯერ განცხადება არ წამიკითხავს. მის განსახილველად მაქვს ორდღიანი ვადა. დღეს ტრენინგები იყო და ვერ მოვიცალე," - განაცხადა ავთანდილ ოსეფაიშვილმა.

გავრცელებულ ვიდეოს განცხადებით უპასუხეს "ქართული ოცნების" ქუთაისის ცენტრალური საარჩევნო შტაბი. პარტიის საარჩევნო შტაბში ამომრჩევლის მოსყიდვის ფაქტს კატეგორიულად გამორიცხავენ და აცხადებენ, რომ ოპონენტები ამომრჩევლის შეცდომაში შეყვანას და წინასაარჩევნო გარემოს დისკრიმინაციას მიზანმიმართულად ახორციელებენ.

ამასთანავე, შტაბის იურისტის გოჩა ავალიანის გამარტებით, საქართველოს საარჩევნო კოდექსის 47–ე მუხლის მოთხოვნები ყველა მაჟორიტარობის კანდიდატისთვის ცნობილია.

საარჩევნო კოდექსის მიხედვით, არჩევნებში მონაწილე სუბიექტის მიერ ამომრჩევლის დაინტერესება ფულადი სახსრებით, ფასიანი ქაღალდებისა და სხვა მატერიალურ ფასეულობათა გადაცემის დაპირება, ამომრჩევლის მოსყიდვად ითვლება.


ამავე თემაზე:

"სასწრაფოდ სიები" - "ოცნების" კანდიდატს ამომრჩევლის მოსყიდვაში ადანაშაულებენ


"ქართული ოცნების" შტაბი ქუთაისში ამომრჩევლის მოსყიდვის ბრალდებაზე განცხადებას ავრცელებს

Print E-mail
FaceBook Twitter
მსგავსი სიახლეები
12:33 / 13.07.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
ამბროლაურის მუნიციპალიტეტის სოფელ ჩორჯოში, ადამიანზე ცოფის,
ლაბორატორიულად დადასტურებული, შემთხვევა დაფიქსირდა.
11:14 / 13.07.2024
ამბროლაურის მუნიციპალიტეტის სოფელ ჩორჯოში, ადამიანზე ცოფის, ლაბორატორიულად დადასტურებული, შემთხვევა დაფიქსირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.