ახალი ამბები
ხონის რაიონში გამოვლენილ ხე-ტყის უკანონო ტრანსპორტირების ფაქტზე ექსპერტიზა მიმდინარეობს
FaceBook
გარემოსდაცვითი ზედამხედველობის დეპარტამენტმა ხონის რაიონის სოფელ ღვედში ხე-ტყის უკანონო ტრანსპორტირების ფაქტი გამოავლინა. 

დეპარტამენტის დასავლეთ საქართველოს სამმართველოს თანამშრომლებმა აღნიშნული ფაქტი მიმდინარე წლის 22 აგვისტოს ხონის რაიონის სოფელ ღვედში გამოავლინეს. 

"ეს იყო დახერხილი, ფიცრად ქცეული ხე-მასალა. ლენტეხისკენ მიმავალ გზაზე, გარკვეული მონაკვეთი წყალტუბოს შემდეგ ხონს ეკუთვნის ადმინისტრაციულად და იქ მოხდა ამ მანქანის გაჩერება. ეს მიმართულება ჩვენს მიერ მაქსიმალურად კონტროლდება", - ამბობს გარემოსდაცვითი ზედამხედველობის დეპარტამენტის დასავლეთ საქართველოს სამმართველოს უფროსი, ლაშა ხარაბაძე. 

მისივე ინფორმაციით, ავტომანქანა სასწრაფო დახმარების მანქანის მსგავსი იყო. ხარაბაძის თქმით, სანათი საშუალებები ლურჯი ფერის ჰქონდა, წარწერები კი 112-ის. "მერსედესის" მარკის მიკროავტობუსში მძღოლთან ერთად, ერთი თანხმლები პირი იჯდა. სალონში 3 მ3 დახერხილი ხე-მასალა იყო აღმოჩენილი. 

გარემოსდაცვითი ზედამხედველობის დეპარტამენტის განცხადებით, მძღოლმა ვერ წარმოადგინა ხე-ტყის კანონიერების დამადასტურებელი დოკუმენტი. ხოლო, სპეცსიგნალებსა და სანათ საშუალებებს შსს-ს ნებართვის გარეშე იყენებდა.

ლაშა ხარაბაძის განმარტებით, გამოძიება იმ შემთხვევაში დაიწყება, თუკი ხე-მასალის ღირებულება 10 000 ლარს აღემატება. თუ არ აღემატება მაშინ პირის დაჯარიმება ადმინისტრაციული წესით მოხდება და აღნიშნული ხე-მასალა ჩამოერთმევა. მასალას ექსპერტიზას შემოსავლების სამსახურის ექსპერტები უკეთებენ. 
Print E-mail
FaceBook Twitter
მსგავსი სიახლეები
12:33 / 13.07.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
ამბროლაურის მუნიციპალიტეტის სოფელ ჩორჯოში, ადამიანზე ცოფის,
ლაბორატორიულად დადასტურებული, შემთხვევა დაფიქსირდა.
11:14 / 13.07.2024
ამბროლაურის მუნიციპალიტეტის სოფელ ჩორჯოში, ადამიანზე ცოფის, ლაბორატორიულად დადასტურებული, შემთხვევა დაფიქსირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.