ახალი ამბები
ქუთაისის "ტორპედო" ოფიციალურად ახალ ინვესტორს გადაეცა
FaceBook
საფეხბურთო კლუბი "ტორპედო" ახალ ინვესტორს, ზაალ ჩაჩავას ოფიციალურად გადაეცა.
ჩაჩავასთან  ხელშეკრულება მიმდინარე წლის 13 ივლისს გაფორმდა. ინფორმაციას ადასტურებენ ქუთაისის მერიაშიც.

კლუბის ოფიციალურად გადაცემიდან მალევე, ზაალ ჩაჩავამ პოსტიდან გაათავისუფლა კლუბის აღმასრულებელი დირექტორი, ზურაბ ჩაკვეტაძე და იგი მამუკა მოსიაშვილით ჩაანაცვლა, რომელიც სხვადასხვა დროს იყო ხაშურის გამგებელი, მთაწმინდა-სოლოლაკი-ორთაჭალის მუნიციპალიტეტის უფროსი და მუშაობდა საჯარო სამსახურში რამდენიმე თანამდებობაზე.

თავად, ზურაბ ჩაკვეტაძე ქუთაისის საკრებულოს გადაწყვეტილებით შექმნილი შპს "რამაზ შენგელიას სახელობის სტადიონის" დირექტორად დაინიშნა. რამდენიმე დღის წინ იგი ქუთაისიპოსტთან საუბარში აცხადებდა, რომ დირექტორის პოსტიდან ჩამოშორების მიუხედავად,  კლუბში რჩებოდა. თუმცა, გავრცელებული ინფორმაციით იგი კლუბში არც ერთ პოსტზე არ დანიშნულა. ზურაბ ჩაკვეტაძე სატელეფონო ზარებს არ პასუხობს.

საფეხბურთო კლუბი "ტორპედო" ბიზნესმენმა ზაალ ჩაჩავამ  აუქციონზე შეიძინა.

კომპანია, რომელმაც კლუბი იყიდა, ზაალ ჩაჩავას მამის, მალხაზ ჩაჩავას სახელზე იყო დარეგისტრირებული. 

"ტორპედო" ქუთაისის მერიამ აუქციონზე მას შემდეგ გაიტანა, რაც ჩაჩავამ, რომელიც კლუბში "ვისოლის" შემდეგ ინვესტორად შევიდა, ქუთაისის  მერიასთან შეუთანხმებლობის გამო კლუბი დატოვა. 

კლუბის აუქციონზე გატანის შემდეგ, "ტორპედოში" ღიად საუბრობდნენ, რომ მისი შეძენით კლავ ჩაჩავა იყო დაინტერესებული. საბოლოოდ მან კლუბი 300 000 ლარად შეიძინა.

აუქციონის პირობების მიხედვით, ინვესტორმა კლუბში ყოველწლიურად მინიმუმ 500 000 ლარის ინვესტიცია უნდა განახორციელოს.


ამავე თემაზე:

ქუთაისის "ტორპედო" 300 000 ლარად გაიყიდა

კომპანია, რომელმაც "ტორპედო" შეიძინა, კლუბის პრეზიდენტის მამის საკუთრებაშია

ქუთაისის მერია "ტორპედოს" აუქციონზე მეორედ გაიტანს

საფეხბურთო კლუბ "ტორპედოს" აუქციონი ჩაიშალა


ქუთაისის "ტორპედო" პრეზიდენტმა ზაალ ჩაჩავამ დატოვა

ქუთაისის "ტორპედოს" აუქციონზე გაიტანენ

700 000 ლარად შეფასებული "ტორპედო" აუქციონის მოლოდინში

„ტორპედო“ შესაძლოა 300 000 ლარად გაიყიდოს



Print E-mail
FaceBook Twitter
მსგავსი სიახლეები
ტყიბულში, მინდელისა და ძიძიგურის
სახელობის შახტის მფლობელი კომპანიის Coal of Georgia-ს
დირექტორი ქუთაისიპოსტთან საუბარში გაფიცულ მეშახეტეებზე
კომენტარს აკეთებს.
10:51 / 24.02.2020
ტყიბულში, მინდელისა და ძიძიგურის სახელობის შახტის მფლობელი კომპანიის Coal of Georgia-ს დირექტორი ქუთაისიპოსტთან საუბარში გაფიცულ მეშახეტეებზე კომენტარს აკეთებს.
დასავლეთ საქართველოში და მათ შორის
იმერეთის რეგიონში კვირის განმავლობაში არამდგრადი ამინდია
მოსალოდნელი.
10:48 / 24.02.2020
დასავლეთ საქართველოში და მათ შორის იმერეთის რეგიონში კვირის განმავლობაში არამდგრადი ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.