ახალი ამბები
„სასტუმროზეც რომ იყოს საუბარი, პრობლემას ვერ ვხედავ“ - შოთა მურღულია ბიბლიოთეკის შენობაზე
FaceBook
ქუთაისის  საჯარო ბიბლიოთეკისთვის, რომელიც სამხარაულის ექსპერტიზის დასკვნით არამდგრადია, ალტერნატიული ადგილი შერჩეული ამ დრომდე არ არის.
ქალაქის მერის, შოთა მურღულიას თქმით,  ბიბლიოთეკისთვის რამდენიმე ადგილი განიხილებოდა და კვლავ გრძელდება ამ საკითხზე მსჯელობა.

"სამხარაულს ვთხოვეთ, რომ ექსპერტიზა დაედო მის მდგრადობასთან დაკავშირებით. იქ არ წერია, რომ ინგრევა, მაგრამ ეკონომიკურად არ არის გამართლებული მისი რეაბილიტაცია. ეს არის ის, რაც თითმმართველობას აჩერებს, რომ ფული დახარჯოს. ვმსჯელობთ, სად შეიძლება განთავსდეს. გვერდზე შენობაზე იყო საუბარი, ვეძებთ სხვა ადგილებსაც", - განაცხადა შოთა მურღულიამ 4 წლიანი მუშაობის შემაჯამებელ პრესკონფერენციაზე.

რაც შეეხება, გავრცელებულ ინფორმაციას იმასთან დაკავშირებით, რომ ბიბლიოთეკის შენობაში სასტუმროს გახსნა იგეგმება, შოთა მურღულია ამბობს, რომ ამის შესახებ არ სმენია, თუმცა, ასეც, რომ იყოს, პრობლემას ვერ ხედავს.

"სასტუმროც რომ იყოს, მე პრობლემას ვერ ვხედავ, მაგრამ საერთოდ არ არის ამაზე საუბარი. ორგანიზაცია ფუნქციონირებს და არავინ  არაფერს არ აპირებს იქ. ისე კი სასტუმრო ცუდი სიტყვა არაა, ძალიან კარგი სიტყვაა, ბევრ ადამიანს ასაქმებს და ეკონომიკის განვითარებას უწყებს ხელს", - განაცხადა შოთა მურღულიამ.


ქუთაისის ილია ჭავჭავაძის სახელობის საჯარო ბიბლიოთეკის შენობისთვის,  გამაგრებითი სამუშაოების ჩატარებას ქუთაისის მერია 2015 წლის გაზაფხულიდან გეგმავდა, რისთვისაც მსოფლიო ბანკისგან სესხის სახით 1 821 790 ლარის მიღება დაანონსდა, თუმცა, მოგვიანებით ადგილობრივ თვითმმართველობაში განაცხადეს, რომ სამხარაულის დასკვნის გამო რეაბილიტაციის საკითხი შეჩერდა, შესაბამისად, ქალაქს არც თანხა  მიუღია.  

ქალაქის მერმა 4 წლიანი მუშაობა მედიასთან შეაჯამა. იგი ანგარიშის ჩაბარებას საზოგადოების სხვადასხვა სფეროს წარმომადგენლებისთვისაც აპირებს.







Print E-mail
FaceBook Twitter
მსგავსი სიახლეები
ქუთაისში, „გუბერნსკის ციხის
15:00 / 12.06.2024
ქუთაისში, „გუბერნსკის ციხის" ყოფილ შენობას დაანგრევენ და მის ადგილზე საცხოვრებელი მრავალსართულიანი კორპუსი აშენდება. 
ქუთაისში, კინოთეატრის,
11:36 / 12.06.2024
ქუთაისში, კინოთეატრის, "სულიკოს" ყოფილი შენობის ადგილას მრავალსართულიანი საცხოვრებელი კორპუსის მშენებლობა მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.