ახალი ამბები
"უცხოსადმი ზიზღი საქართველოს დაღუპავს" - აქციას "არა რუსულ ფაშიზმს" ქუთაისიდანაც უერთდებიან
FaceBook
,,ევროპული საქართველოს" წარმომადგენლები ქუთაისიდან თბილისში გამართულ საპროტექსტო აქციას უერთდებიან.

პარტიის ერთ-ერთი წარმომადგენელი, ამირან ძოწენიძე "ქუთაისიპოსტთან" საუბარში განმარტავს, აქციაზე წასვლა ორგანიზებულად არ მომხდარა.

"ქუთაისიდან 50- მდე ადამიანი წავიდა საპროტესტო აქციაზე. ჩვენ აქციის იდეას ვუერთდებით და ვაცხადებთ, რომ ყოველი უცხოსადმი ზიზღი საქართველოს დაღუპავს და უცხოელებზე შეტევა ძალიან სახიფათოა ჩვენი ქვეყნისათვის," - განმარტავს "ევროპული საქართველოს" ერთ-ერი წარმომადგენელი ამირან ძოწენიძე.

აქცია მოწოდებით, "არა რუსულ ფაშიზმს" თბილისში 23 ივლისს საღამოს 8 საათზე აღმაშენებლის გამზირზე გაიმართება.

"ამ აქციის მთელი არსი არის არა იმ პატარა მარგინალურ ჯგუფთან ჯიბრი, არამედ ჩვენება ყველასთვის, რომ საქართველო არ არის სიძულვილის და ძალადობის ქვეყანა. ჩვენება ხელისუფლებისთვის, რომ მის მიერ მართული ეს ჯგუფები, გუშინ ბესელიამ პატრიოტი უწოდა კორკოტაშვილს, რომელიც დღეს სისხლის სამართლის გამოძიების ქვეშ უნდა იყოს, რომ ჩვენ არ დავუშვებთ ქვეყანაში ასეთი ძალადობრივი გზით ადამიანების ურთიერთობას," - განაცხადა ელენე ხოშტარიამ.

ხოშტარიას თქმით, მნიშვნელოვანია ქართულმა საზოგადოებამ საქართველოს სახელით საუბრის უფლება მოძალადე, მარგინალურ ჯგუფებს არ მისცეს.

"ევროპული საქართველოს" მიერ ორგანიზებული აქციის პარალელურად, აღმაშენებლის გამზირზე, 19:00 საათისთვის კონტრაქცია დააანონსეს "ქართველთა მარშის" წარმომადგენლებმა.

თუმცა, თბილისის მერიამ მათ წერილი გაუგზავნა, სადაც აღნიშნულია, რომ მიზანშეწონილად მიაჩნიათ "ქართველთა მარშის" წარმომადგენლებმა აღმაშენებლის გამზირის ნაცვლად 23 ივლისს აქცია სხვა ადგილას ჩაატარონ.

"ქართველთა მარშის" წარმომადგენლებმა აღმაშენებლის გამზირზე აქცია 14 ივლისს გამართეს. მათ მოითხოვეს, საქართველო დატოვონ არალეგალმა მიგრანტებმა.


Print E-mail
FaceBook Twitter
მსგავსი სიახლეები
ევროპის სახელმწიფო საფოსტო
ოპერატორების ასოციაციამ PostEurop-მა რუსეთის ფედერაციის „რუსეთის
ფოსტასა“ და ბელორუსის „ბელპოჩტას“ წევრობის უფლებები
შეუჩერა.
17:21 / 02.07.2022
ევროპის სახელმწიფო საფოსტო ოპერატორების ასოციაციამ PostEurop-მა რუსეთის ფედერაციის „რუსეთის ფოსტასა“ და ბელორუსის „ბელპოჩტას“ წევრობის უფლებები შეუჩერა.
ზესტაფონში უხვი ნალექის გამო,
ჩხეიძის ქუჩაზე, ხიდის მიმდებარედ არსებული გზა ჩაინგრა.
14:37 / 02.07.2022
ზესტაფონში უხვი ნალექის გამო, ჩხეიძის ქუჩაზე, ხიდის მიმდებარედ არსებული გზა ჩაინგრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.