ახალი ამბები
მძღოლებმა მგზავრობის ტარიფზე დაწესებული შეღავათების ამსახველი წარწერები ჩამოხსნეს
FaceBook
ქუთაისის საქალაქო ტრანსპორტის მძღოლების ნაწილმა, სოციალურად დაუცველების და 8 წლამდე ასაკის ბავშვებისთვის მგზავრობის ტარიფზე დაწესებული შეღავათების ამსახველი წარწერები, საკუთარი ავტომობილების სალონებიდან მოხსნა.
მიკროავტობუსებსა და ავტობუსების ნაწილში მხოლოდ ერთი, ფიქსირებული ტარიფია მითითებული.
მიკროავტობუსის შემთხვევაში 50 თეთრი, ხოლო ავტობუსში 40 თეთრი.

მძღოლები ამბობენ, რომ სინამდვილეში არაფერი შეცვლილა, თუმცა, მიზეზს, თუ რატომ ჩამოხსნეს წარწერები, არ განმარტავენ.

მგზავრები კი მიიჩნევენ, რომ მძღოლები ამ გზით ყველასთვის ერთნაირი ტარიფის დაკანონებას ცდილობენ.

"ცდილობენ შეგვაგუონ რომ ყველამ ერთნაირად უნდა გადაიხადოს. ისედაც იშვიათად სარგებლობდნენ სოციალურად დაუცველები ამ ბარათებით და მძღოლებიც სულ ღიზიანდებოდნენ  ამის გამო", - ამბობს ერთ-ერთი მგზავრი. 

საქალაქო ტრანსპორტში მგზავრობის ფასის მითითებას, ქუთაისის საკრებულოს 2015 წლის 3 აპრილის დადგენილებაც განსაზღვრავს, რომლის მე-15-ე მუხლშიც განმარტებულია, რომ ნებართვის მფლობელმა მგზავრობის ფასის შესახებ ინფორმაცია მგზავრებისთვის თვალსაჩინო ადგილზე უნდა განათავსოს.

" ნებართვის გამცემის მოთხოვნის შემთხვევაში უზრუნველყოს მარშრუტზე მომუშავე სამგზავრო ავტოსატრანსპორტო საშუალებების აღჭურვა სვლაგეზის მაჩვენებელი დადგენილი ნიმუშის ფირნიშებით (ელექტრო–ტაბლოებით), მგზავრობის ფასის გადახდის ელექტრონული/ან სხვა სისტემებით. სალონში მგზავრისთვის თვალსაჩინო ადგილას განათავსოს ტაბლო, სადაც აღნიშნული იქნება მძღოლის სახელი, გვარი, ფოტო–სურათი, ნებართვის მფლობელის დასახელება, ცხელი ხაზის სატელეფონო ნომრები და მგზავრობის ფასი",-ნათქვამია დადგენილებაში.


მიკროავტობუსის მძღოლს სალონში მხოლოდ 50 თეთრიანი ტარიფი აქვს მითითებული


წარწერა, სადაც მითითებულია, რომ სოციალურად დაუცველები 40 თეთრად, ხოლო 6 წლამდე ასაკის ბავშვები უფასოდ მგზავრობენ, ჩამოხსნილია

ქუთაისში, საქალაქო ტრანსპორტით მგზავრობა მიმდინარე წლის 7 აპრილიდან გაძვირდა, რასაც წინ უძღოდა მძღოლების ორდღიანი საპროტესტო აქციები. ამის შემდეგ ქალაქის ხელისუფლებამ ტარიფი 10 თეთრით გაზარდა, თუმცა, სოციალურად დაუცველებისთვის ისევ ძველი (მიკროავტობუსი 40 თეთრი, ავტობუსი 30 თეთრი) ტარიფი შენარჩუნდა, 8 წლამდე ასაკის ბავშვები კი უფასო მგზავრობით სარგებლობენ.

ქუთაისიპოსტი  უკვე დაუკავშირდა ქუთაისის მერიას და მათ პოზიციას   განმარტების მიღებისთანავე  შემოგთავაზებთ.

Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.