ქუთაისიპოსტი

ქუთაისში ასათიანის ქუჩაზე ამორტიზებული გზის ნაპირზე, სადაც სანიაღვრე სისტემა უნდა მოეწყოს  ავტომობილი ჩავარდა.
შემთხვევას მძღოლის ფიზიკური დაზიანება არ მოჰყოლია, თუმცა, მწყობრიდან გამოვიდა ავტომობილი.

ადგილობრივების თქმით, ასათიანის ქუჩაზე ხშირად ფიქსირდება ავტოსაგზაო შემთხვევები, რასაც ისინი გზაზე მიმდინარე სარეაბილიტაციო სამუშაოებს უკავშორებენ.

"ვინ ვის ეჯახება და ვინ სად ვარდება ვერ გაიგებ, მაინც იმდენ ხანს გაიწელა ამ ქუჩის რეაბილიტაცია, უკვე გვგონია რომ ასე უნდა დარჩეს," - ამბობენ ასათიანის ქუჩაზე მცხოვრებლები.

ასათიანის ქუჩაზე წყლის სისტემის და შემდგომში გზის საფარის სარეაბილიტაციო სამუშაოები თითქმის ერთი წელია მიმდინარეობს.

წყლის სისტემის შეცვლასა და დაზიანებული გზის საფარის აღდგენაზე პასუხისმგებელ კომპანია "სმკ"–ში აცხადებდნენ, რომ მათ კონკრეტულ ქუჩაზე სამუშაოების შესრულების ვადები კონტრაქტში გაწერილი არ ჰქონდათ.

ქუთაისის მერიამ კი,  სამუშაოების შესრულების ვადებზე პასუხისმგებლობა მოიხსნა.

მანამდე, "გაერთიანებული წყალმომარაგების კომპანიამ", რომლის კონტრაქტორიცაა "სმკ", თურქული ფირმა სამუშაოების გაჭიანურებაში დაადანაშაულა.

ქუთაისში, ინფრასტრუქტურისა და რეგიონალური განვითარების ყოფილი მინისტრის, ნოდარ ჯავახიშვილის ვიზიტის შემდეგ, კი "სმკ"–ს ადგილობრივი ხელმძღვანელობა შეიცვალა.

ასათიანის ქუჩაზე წყლის მილების შეცვლის ძირითადი სამუშაოები გასული წლის ოქტომბრის ბოლოს დასრულდა, თუმცა, გზის საფარის აღდგენა კვლავ ვერ ხერხდებოდა. ქუჩაზე სარეაბილიტაციო სამუშაოები ამ დრომდე გრძელდება.



ამავე თემაზე:

"ოცნება" ჩვენს ხმებს ვეღარ მიიღებს - ქუთაისში მოსახლეობა იმუქრება (ფოტო)

ქუთაისში მჭედლიძის ქუჩაზე გზის საფარის დაგება დაიწყეს