ახალი ამბები
"ვიდრე კიდევ ვინმეს იმსხვერპლებს, მოგვხედონ" - ქუთაისში სასტუმრო "თბილისის" ყოფილი შენობა ინგრევა
FaceBook
ქუთაისში, სასტუმრო "თბილისის" ყოფილი შენობა, სადაც დევნილები  ცხროვრობენ, ინგრევა. შენობაში მცხოვრები დევნილების განმარტებით, ისინი იმ ფილების მოხსნას ითხოვენ, რომლიც უკვე დიდი ხანია ცვივა და საფრთხეს ქმნის.
"ფასადზე მიმაგრებული 30 კილოგრამიანი ქვის ფილები ყოველდღიურად ცვივა და ვიდრე, კიდევ არ შეიწირავს ავარიული შენობა ქუთაისში ადამიანის სიცოცხლეს ყურადღება მოგვაქციონ," - ამბობენ დევნილები.

შენობიდან ქვის ფილის ჩამოვარდნის ბოლო ფაქტი, ადგილობრივების თქმით,  გუშინ 15 მაისს,  დაფიქსირდა.

"მცირეწლოვნები და მოხუცები იყვნენ გარეთ. მაგრამ ამჯერად, გაგვიმართლა და გადავრჩით," - აცხადებს  სასტუმროს ყოფილ შენობაში მცხოვრები დევნილი ვეფხია მიქაუტაძე.

საფრთხის თავიდან აცილების მიზნით, როგორც დევნილები აცხადებენ, დახმარებისთვის ადგილობრივ ხელისუფლებას ერთი თვის წინ მიმართეს.

ქუთაისის მერიისთვის მათ მიერ გაგზავნილი განცხადების თანახმად, დევნილები გადამჭრელი ზომების  უმოკლეს ვადაში მიღებას ითხოვდნენ.

"დახმარება კი არა პასუხიც არ მიგვიღია მერიიდან," - განმარტავენ დევნილები.





თავის მხრივ, ქუთაისის მერიაში აცხადებენ, რომ შენობა ეკონომიკის სამინისტროს ბალანსზეა და მათ ამ საკითხის გადაწყვეტის უფლება არა აქვთ.  

თუ რა პოზიცია აქვთ დევნილების მოთხოვნაზე საქართველოს ეკონომიკის სამინისტროში,  "ქუთაისიპოსტი" ამ დრომდე ცდილობს უწყების პრესსცენტრთან დაკავშირებას.

ქუთაისში სასტუმრო "თბილისში" დევნილები 1993 წლიდან ცხოვრობენ.

შენობაში, რომელიც ამორტიზებულია ამ დროისთვის 40 დევნილი ოჯახი  ცხოვრობს.

ამავე თემაზე :

კედლის ნაწილი, რომელმაც 12 წლის გოგონას სიცოცხლე იმსხვერპლა, ძველ კორპუსს მოწყდა
Print E-mail
FaceBook Twitter
მსგავსი სიახლეები
ქუთაისის მერია მოსწავლე -ახალგაზრდობის
პარკის რეკონსტრუქციას გეგმავს.
15:40 / 04.12.2021
ქუთაისის მერია მოსწავლე -ახალგაზრდობის პარკის რეკონსტრუქციას გეგმავს.
ქუთაისის ახალარჩეული საკრებულოს
წევრებმა წარმომადგენლობითი ორგანოს ლეგიტიმაცია უკვე
ცნეს.
14:08 / 04.12.2021
ქუთაისის ახალარჩეული საკრებულოს წევრებმა წარმომადგენლობითი ორგანოს ლეგიტიმაცია უკვე ცნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.