ახალი ამბები
პარლამენტის წინ უსაფრთხოების კუნძული ეწყობა
FaceBook
ქუთაისში, პარლამენტის მიმდებარე ტერიტორიაზე, 9 აპრილის ქუჩისა და ირაკლი აბაშიძის გამზირის კვეთასთან,   უსაფრთხოების კუნძულის მოწყობა მიმდინარეობს. სამუშაოებს, ქუთაისის მერიის მიერ გამოცხადებულ ტენდერში  გამარჯვებული კომპანია "გლობალ სერვისი" 104 000 ლარად ახორციელებს.

კომპანიამ, მშენებლობის უფლება სატენდერო წინადადებაზე ვაჭრობის შედეგად   53 000 ლარით ნაკლებ თანხაში მოიპოვა.  

"გლობალ სერვისის" მთავარი კონკურენტი თბილისში რეგისტრირებული შპს "იმგო" იყო, რომელიც იმავე სამუშაოების შესრულებას ქუთაისის მერიას 103 999 ლარად სთავაზობდა. თუმცა, ტექნიკური დოკუმენტაციის გამო, კომპანიას დისკვალიფიკაცია მიეცა.

კომპანიის დირექტორის, კახა მახვილაძის თქმით,  თავადაპირველად ამ გადაწყვეტილების გასაჩივრებას აპირებდნენ. თუმცა, მისივე თქმით, შესყიდვების სააგენტოსთან კონსულტაციების შემდეგ, გადაიფიქრეს.

"დისკვალიფიკაცია რისთვისაც მოგვცეს ეს არის გამოცდილებს, რომელიც ცოტა სხვა მიმართულებით გვქონდა. მართალი გითხრათ, ჩვენ გასაჩივრებასაც ვფიქრობდით, მაგრამ გავიარეთ შესყიდვების სააგენტოსთან კონსულტაცია და მათაც გვითხრეს, რომ ეს გამოცდილება არ იყო საკმარისი და დავანებეთ თავი გასაჩივრებას",-ამბობს კახა მახვილაძე. 

ქუთაისის მერიამ აბაშიძისა და 9 აპრილის ქუჩების კვეთაზე უსაფრთხოების კუნძულის მოსაწყობად 157 075 ლარიანი ტენდერი (SPA170002606) მიმდინარე წლის 10 თებერვალს გამოაცხადა.  

შპს "გლობალ სერვისმა" სამუშაოები მიმდინარე წლის  23 მისის ჩათვლით უნდა დაასრულოს.

ქუთაისის მერიამ 2015 წელს ქალაქში 10 უსაფრთხოების კუნძული მოაწყო, რისთვისაც ადგილობრივი ბიუჯეტიდან 400 000 ლარი დაიხარჯა.  

Print E-mail
FaceBook Twitter
მსგავსი სიახლეები
11:50 / 30.08.2025
"ევროკავშირი საქართველოს მთავრობას მოუწოდებს, დაუყოვნებლივ გააუქმოს დამოუკიდებელი სამოქალაქო საზოგადოების ორგანიზაციების საბანკო ანგარიშების დაყადაღების გადაწყვეტილება",-

ამის შესახებ განცხადებას საგარეო და უსაფრთხოების პოლიტიკის საკითხებში ევროკავშირის მთავარი პრესსპიკერი, ანიტა ჰიპერი ავრცელებს.

განცხადებაში ნათქვამია, რომ გადაწყვეტილება ფუნდამენტურ უფლებებზე მორიგი თავდასხმა და სასამართლო სისტემის, როგორც რეპრესიის ინსტრუმენტის, გამოყენებაა.

“ეს ფინანსური განზრახ გაგუდვის მეშვეობით პოლიტიკური დევნის აქტია, რომლის მიზანია, გააჩუმოს და დასაჯოს განსხვავებული აზრი.

სამოქალაქო საზოგადოების ორგანიზაციები არა სახელმწიფოს მტრები, არამედ დემოკრატიული პლურალიზმისა და ანგარიშვალდებულების ხერხემალია. წლების მანძილზე საქართველოს ენერგიული სამოქალაქო საზოგადოება ქვეყნის ევროპული ინტეგრაციის მამოძრავებელი ძალა იყო, რომელსაც ხელშესახები სარგებელი მოჰქონდა თავისი მოქალაქეებისთვის. ამ ორგანიზაციების მიზანში ამოღება ფუნდამენტურ დემოკრატიულ ღირებულებებს ეწინააღმდეგება და ძირს უთხრის საბაზისო პრინციპებს, რომლებსაც კანდიდატი ქვეყნისგან მოელიან.

ევროკავშირი მყარად უდგას გვერდში საქართველოს გამძლე და მამაც სამოქალაქო საზოგადოებას, რომელიც მთავრობის მხრიდან მზარდი რეპრესიების მიუხედავად აგრძელებს მოქალაქეებისთვის მსახურებას”, - განაცხადა ჰიპერმა.

თბილისის საქალაქო სასამართლომ დააკმაყოფილა პროკურატურის შუამდგომლობა და 7 არასამთავრობო ორგანიზაციის საბანკო ანგარიშებს ყადაღა დაედო.

სასამართლოს გადაწყვეტილებით, დაყადაღებულია: „სამოქალაქო საზოგადოების ფონდი“-ს , „სამართლიანი არჩევნებისა და დემოკრატიის საერთაშორისო საზოგადოებ“-ის , „ინფორმაციის თავისუფლების განვითარების ინსტიტუტი“-ს, „დემოკრატიის მცველები“-ს , „საქართველოს დემოკრატიული ინიციატივა“-ს , „საფარი“-ს და „სოციალური სამართლიანობის ცენტრი“-ს საბანკო ანგარიშები.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.