ახალი ამბები
"სახეში გაარტყა" - სამტრედიაში კალაძის მამის მიერ გამგებელის მიმართ ფიზიკურ ძალადობაზე საუბრობენ
FaceBook
სამტერდიის მუნიციპალიტეტის მცხოვრებლები კახა კალაძის მამის მიერ  გამგებელის, ვალერი ფოცხვერიას მიმართ ფიზიკურ შეურაცხყოფაზე საუბრობენ. 

"სამტრედიის გამგებელი კარლო კალაძემ საჯაროდ დასაჯა და ხალხის წინაშე სახეში გაარტყა," - ამბობენ ადგილობრივები.

"მეც გავიგე რომ კალაძის მამამ ვალერი ფოცხვერიას საჯაროდ ფიზიკური შეურაცხყოფა მიაყენა. თუმცა, ფაქტის მომსწრე არ ვყოფილვარ", - ამბობს "ნაციონალური მოძრაობის" სამტერდიის ორგანიზაციის წარმომადგენელი, ემზარ შუბლაძე.

ფიზიკური შეურაცხყოფის შესაძლო მიყენების მიზეზად ადგილობრივები გამგებლის მიერ მიღებულ ერთ-ერთ გადაწყეტილებას ასახლებენ. თუმცა, ვერ აკონკრეტებენ, თუ რა გადაწყვეტილებაზეა საუბარი ან რამ გაანაწყენა კარლო კალაძე.

ადგილობრივების თქმით, რეალურად სამტრედიის გამგებელი, ვალერიან ფოცხვერია, კალაძის მამის გარეშე ვერცერთ საკითხს ვერ წყვეტს და მუნიციპალიტეტს კარლო კალაძე მართავს.

"ვალერი ოფიციალურადაა გამგებელი, თორემ ყველაფერს კარლო მართავს. ამის გამო დაარქვეს სამტრედიელებმა მას დონ კარლიოტო," - ამბობენ ადგილობრივები.

სამტრედიის გამგებელი  ჩვენთან სატელეფო საუბარში მომხდარს არ ადასტურებს.  "კარლო კალაძე ჩემზე 20 წლით უფროსია და ჯერ ერთი ვერ მომერევა. ეს არის სასაცილო სიცრუე", -  განმარტავს ვალერი ფოცხვერია "ქუთაისიპოსტთან" საუბარში და ტელეფონი გათიშა.

რაც შეეხება კარლო კალაძის პოზიციას, არაერთი მცდელობის მიუხედავად მასთან დაკავშირება ვერ მოხერხდა. 

კარლო კალაძეს, სამტრედიის გამგებელის საქმიანობაში ჩარევაში და არაოფიციალურ მმართველობაში 2015 წელსაც  ადანაშაულებდნენ. 






Print E-mail
FaceBook Twitter
მსგავსი სიახლეები
ქუთაისში,მოსახლეობის ნაწილს ღამით ტექნიკური სამუშაოების გამო,
ელექტროენერგიის მიწოდება შეუწყდება.
15:03 / 26.11.2021
ქუთაისში,მოსახლეობის ნაწილს ღამით ტექნიკური სამუშაოების გამო, ელექტროენერგიის მიწოდება შეუწყდება.
ქუთაისის 2022 წლის ბიუჯეტის პროექტში, დაახლოებით,
90 000 ლარის ღირებულების ოთხი ახალი პროგრამაა
გათვალისწინებული.
14:31 / 26.11.2021
ქუთაისის 2022 წლის ბიუჯეტის პროექტში, დაახლოებით, 90 000 ლარის ღირებულების ოთხი ახალი პროგრამაა გათვალისწინებული.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.