ახალი ამბები
ქუთაისის საკრებულოს დეპუტატს პატიმრობის ვადა ერთი თვით გაუხანგრძლივდა
FaceBook
ქუთაისის  საკრებულოს დეპუტატს, ლაშა გვენეტაძეს სასამართლომ პატიმრობის ვადა ერთი თვით გაუხანგრძლივა. მიმდინარე წლის 25 აპრილის სასამართლოს სხდომაზე, მოსამართლემ ლაშა გვენეტაძისთვის, მისი ძმის შოთა გვენეტაძისა და მეგობრის, შიო ჯანელიძის მიმართ გირაოს მოთხოვნა არ დააკმაყოფილა.

გირაოს შეფარდება მხარემ უკვე მესამედ მოითხოვა. 

საქმის ადვოკატის, გიორგი დვალიშვილის თქმით, მისი დაცვის ქვეშ მყოფების პატიმრობაში დატოვების საფუძველი არ არსებობს.

"რისთვისაც მოითხოვა ბრალდების მხარემ, ის შედეგი ვერ ვნახეთ სწორედ. ვერც ერთი დამატებითი მტკიცებულება ვერ წარმოადგინა დღეს ბრალდებამ", - განაცხადა გიორგი დვალიშვილმა ქუთაისიპოსტთან საუბარში.

პროკურატურა მიიჩნევს, რომ ბრალდებულების გათავისუფლების შემთხვევაში მათი მიმალვის საფრთხე არსებობს.  

ქუთაისის საკრებულოს დეპუტატი ძმასთან და მეგობართან ერთად,  მამის საფლავის გაძარცვის გამო, მათი ვარაუდით, ძარცვაში ეჭვმიტანილის ცემის ფაქტზე, სამართალდმაცავებმა მიმიდინარე წლის 7 თებერვალს დააკავეს.

დაკავებულებს,  ბრალი 143-ე მუხლის მე-3 ა და ე ქვეპუნქტით აქვთ წარდგენილი,  რაც, სიცოცხლისთვის და ჯანმრთელობისთვის საშიში ძალადობის გამოყენებით, მუქარით ჩადენილ თავისუფლების უკანონო აღკვეთისთვის 7-დან 10 წლამდე პატიმრობას ითვალისწინებს.

გვენეტაძეებისა და მათი მეგობრის საქმეზე მორიგი სასამართლო პროცესი მიმდინარე წლის 25 მაისს ჩაინიშნა. 


ქუთაისის საკრებულოს დეპუტატს სასამართლომ პატიმრობა შეუფარდა

გაძარცვული საფლავი და დაკავებული დეპუტატი (ფოტო)

ქუთაისის საკრებულოს დეპუტატს ბრალეულობის დამტკიცების შემთხვევაში უფლებამოსილება შეუჩერდება


Print E-mail
FaceBook Twitter
მსგავსი სიახლეები
ქუთაისის მერიის წინ, მდუმარე აქცია-პერფორმანსი
13:59 / 25.10.2021
ქუთაისის მერიის წინ, მდუმარე აქცია-პერფორმანსი "ჩემოდნებზე დამჯდარი ქალაქი" გაიმართა. 
ჭიათურელი მოკრივე ლაშა გაგნიძე ევროპის ჩემპიონი გახდა.
12:32 / 25.10.2021
ჭიათურელი მოკრივე ლაშა გაგნიძე ევროპის ჩემპიონი გახდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.