ახალი ამბები
ბოლო სამი კვირის განმავლობში გარემოს დაბინძურების 151 შემთხვევა გამოვლინდა
FaceBook
გარემოს დაცვისა და ბუნებრივი რესურსების ეროვნულმა სააგენტომ, მიმდინარე წლის 1 აპრილიდან 20 აპრილის ჩათლით, ფიზიკური და იურიდიული პირების მიერ, გარემოს დაბინძურების 151 შემთხვევა გამოავლინა.

მათ შორის, მუნიციპალური ნარჩენებით გარემოს დანაგვიანების 129, ხოლო სამშენებლო ან სხვა ინერტული ნარჩენებით გარემოს დაბინძურების 5 შემთხვევაა.

ასევე, უწყების მიერ მუნიციპალური არასახიფათო ნარჩენების ღია წესით ან არადანიშნულების საწვავ დანადგარში დაწვის 12, შლამისებრი ნივთიერებებით გარემოს დაბინძურების კი 1 შემთხვევა გამოვლინდა.

ასევე, ცხოველის სხეულის ნარჩენებით გარემოს დანაგვიანების 2, ხოლო სახიფათო ნარჩენების მართვასთან დაკავშირებული მოთხოვნებისა და ვალდებულებების შეუსრულებლობის 2 ფაქტი.

ნარჩენების კოდექსის მიხედვით, გარემოს დაბინძურებისთვის განსაზღვრული ჯარიმის რაოდენობა დანაგვიანებული ტერიტორიის ფართობზე, ნარჩენების მოცულობასა და სახეობაზეა დამოკიდებული.

2 კგ-მდე მუნიციპალური ნარჩენით გარემოს დანაგვიანება 80 ლარით ჯარიმდება, ხოლო, 1 მ3-ზე მეტი მოცულობის ნარჩენის უკანონოდ დაყრის შემთხვევაში, ფიზიკურ პირს ჯარიმის სახით 300 ლარის გადახდა მოუწევს, იურიდიულ პირს - 1000 ლარის.

რაც შეეხება ინერტული ან სამშენებლო ნარჩენების უკონტროლოდ დაყრას, 1 მ3-მდე მოცულობის ასეთი ნარჩენით გარემოს დანაგვიანება ფიზიკური პირის 200 ლარით, იურიდიული პირის კი 500 ლარით დაჯარიმებას გამოიწვევს.

1 მ3 ან 1 მ3-ზე მეტი მოცულობის სამშენებლო ან სხვა ინერტული ნარჩენით გარემოს დანაგვიანების შემთხვევაში კი ფიზიკური პირი 500 ლარით, ხოლო იურიდიული 1500 ლარით ჯარიმდება.




Print E-mail
FaceBook Twitter
მსგავსი სიახლეები
ზესტაფონში, ''ჯეოჰოსპიტალის''
კლინიკის ბაზაზე, სამედიცინო პერსონალი უფასო კვლევებს
ჩაატრებს.
14:04 / 10.07.2020

ზესტაფონში, ''ჯეოჰოსპიტალის'' კლინიკის ბაზაზე, სამედიცინო პერსონალი უფასო კვლევებს ჩაატრებს.

სამტრედიაში, მდინარე რიონში მაშველები 72 წლის
მამაკაცს ეძებენ.
12:08 / 10.07.2020
სამტრედიაში, მდინარე რიონში მაშველები 72 წლის მამაკაცს ეძებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.