ახალი ამბები
რაგბის მსოფლიო ჩემპიონატზე დასასწრები ბილეთების გაყიდვა დაიწყო
FaceBook
რაგბში, 20 წლამდელთა ჩემპიონატზე, რომელიც 31 მაისიდან 18 ივნისის ჩათვლით ქუთაისსა და თბილისში ჩატარდება, დასასწრები ბილეთების გაყიდვა  უკვე დაიწყო.
მატჩებზე დასასწრებად მსურველებს ბილეთების შეძენა  www.ticket.ge -ზე 12 აპრილიდან შეუძლიათ.

ბილეთის მინიმალური ფასი 5 ლარს შეადგენს, მაქსიმალური - 20 ლარს. 

ქუთაისში ჩემპიონატს "აია" არენა და საფეხბურთო კლუბი "ტორპედო" უმასპინძლებს.

უკვე ცნობილია, რომ ქუთაისში მხოლოდ ჯგუფური ეტაპის თამაშები (31 მაისი, 4 ივნისი, 8 ივნისი) ჩატარდება. ჯგუფური ეტაპის შეხვედრები, ქუთაისთან ერთად, ასევე გაიმართება თბილისში, ავჭალის სტადიონზე. ხოლო, პლეი ოფებსა და ფინალურ მატჩებს 14 და 18 ივნისს, თბილისში, ავჭალის და მიხეილ მესხის სტადიონები უმასპინძლებს. 

საქართველოსთან ერთად, წლევანდელ ჩემპიონატში 11 ქვეყნის ნაკრები (ინგლისი, ირლანდია, არგენტინა, სამხრეთ აფრიკა, ახალი ზელანდია, ავსტრალია, უელსი, შოტლანდია, საფრანგეთი, საქართველო, იტალია, სამოა) მიიღებს მონაწილეობას.

ტურნირის ფარგელებში საქართველოს მსოფლიო რაგბის თავმჯდომარე, ბილ ბომონტი და მსოფლიო რაგბის თავმჯდომარის მოადგილე, აგუსტინ პიშოტნი ეწვევიან.

მიმიდინარე წლის თებერვლის დასაწყისში, საქართველოს სპორტისა და ახალგაზრდობის საქმეთა სამინისტრომ, სლოვაკურ კომპანია "Autokomodex Trnava" -სთან, რომელსაც თბილისსა და ქუთაისში რაგბის ჩემპიონატისთვის 12 სარაგბო და საფეხბურთო მოედანი უნდა მოეწყო, ხელშეკრულება გაწყვიტა.

სპორტის მინისტრის, ტარიელ ხეჩიკაშვილის განცხადებით, ამის მიუხედავად, ქვეყანა რაგბის ჩემპიონატს მომზადებული შეხვდება.

"მინდა დავამშვიდო გულშემატკივარი და ვუთხრა, რომ აუცილებლად მაღალ დონეზე ჩატარდება ჩემპიონატი. ამის თქმის საფუძველს მაძლევს ის ალტერნატიული სპორტული ობიექტები, რაც გვაქვს. უახლოეს მომავალში რაგბის კავშირთან და კერძო სექტორთან ერთად მოვახდენთ მათ ფორმალიზებას", - განაცხადა ტარიელ ხეჩიკაშვილმა.

20-წლამდელთა ჩემპიონატში საქართველო მეორედ მონაწილეობს.

Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.