ქუთაისიპოსტი

პირველკლასელთა რეგისტრაცია 2017-2018 სასწავლო წლისთვის 10 აპრილს დაიწყება.
რეგიტრაცია 3 ეტაპად განხორციელდება. I ეტაპი – რეგისტრაცია დაიწყება 2017 წლის 10 აპრილს და დასრულდება 24 აპრილს.

პირველ ეტაპზე რეგისტრაცია განხორციელდება სკოლაში, სადაც  რეგისტრირდებიან ის მოსწავლეები: რომლის და-ძმაც სწავლობს ამ სკოლაში; რომლის მშობელიც სკოლის თანამშრომელია (მშობელი და არა ბებია ან ბაბუა); რომლის ოჯახიდანაც ერთდროულად ორი ან მეტი ბავშვი შედის პირველ კლასში.

II ეტაპი – საყოველთაო ონლაინ რეგისტრაცია – რეგისტრაცია იწარმოებს 2017 წლის 8 მაისის დილის 09:00 საათიდან 1 ივნისის ჩათვლით.

რეგისტრირდებიან ის მოსწავლეები, რომლებიც ვერ დარეგისტრირდებიან I ეტაპზე. რეგისტრაცია უნდა გაიაროთ სსიპ განათლების მართვის საინფორმაციო სისტემის ვებგვერდზე ელექტრონულად. ვებ–გვერდებზე: www.mes.gov.ge.

III ეტაპი – რეგისტრაცია დაიწყება 19 ივნისს და დასრულდება 30 ივნისს.

მესამე ეტაპზე მსურველები რეგისტრირდებიან მეორე ეტაპზე გამოთავისუფლებულ ვაკანტურ ადგილებზე. მესამე ეტაპზე დარეგისტრირების მსურველები დოკუმენტაციას წარადგენენ უშუალოდ სკოლაში მისვლის დროს.