ახალი ამბები
"ვაი, მას, ვინც ხელს შემიშლის" - ლევან როხვაძე "თეატრალური საზოადოების" დამწვარი შენობის აღდგენაზე
FaceBook
ქუთაისში "თეატრალური საზოგადოების" დამწავრი შენობის აღდგენას, მისი თავმჯდომარე, ლევან როხვაძე თავისი ძალებით აპირებს.
მისი თქმით, გასული წლის 9 დეკემბერს, საღარაძის # 12 ში გაჩენილი ხანძრის შედეგად მიღებული ზარალი, დოკუმენტურად ამ დრომდე არ არის დათვლილი. არც ექსპერტიზის შედეგებია ცნობილი და შესაბამისად, ჯერ არც გამოძიება დასრულებულა.

"თეატრალური საზოგადოების" თავმჯდომარე არც საქმის სამართლებრივ პროცესების დასრულებას და არც ფინანსურ დახმარებას ელოდება და შენობის საკუთარი ძალებით აღდგენას აპირებს.

"რამდენი შენობა დაწვეს, იმდენს გაუყიდეს, გააგდეს ან სხვა შეასახლეს. ჩემი შემთხვევა იქნება პრეცენდენტი, რომ მთელი ჩემი ეკონომიკა დაიფერფლა, მაგრამ მაინც აღვადგინე და ვაი, მას, ვინც ხელს შემიშლის. ჩემი სული და გული იყო ის კედლები და არ დავთმობ სანამ ცოცხალი ვარ",-ამბობს ლევან როხვძე.

მისი თქმით, საზოგადოებაში დღემდე არსებობს ეჭვი, რომ შენობაში ხანძარი შეგნებულად გააჩინეს.

"ეჭვები ჰქონდა ხალხს, კარგი ადგილია და შეგნებულად ხომ არ გააკეთეს, ისე ვერ მოგერეოდნენო. შეიძლება ასეც იყო, მაგრამ ეჭვებით ვერ ვილაპარაკებ. ისე კი ჩემი დაწვა ძალიან რთულია. მეც დავიწვები შიგნით და მეორედ გამიჩინონ თუ უნდათ ცეცხლი. შესვლით კი მაინც შევალ იქ და შევუდგები მუშაობას",-ამბობს ლევან როხვაძე.

მისი თქმით, ხანძრის შედეგად მიღებული ზარალის ჯამური რაოდენობა 68 000 ლარამდეა, რომლის 80% მის კერძო საკუთრებას წარმოადგენდა, შესაბამისად, მას ზარალის ანაზღაურების მოლოდინი არ აქვს.

საღრაძის # 12-ში არსებული შენობა "თეატრალურ საზოგადოებას" 1978 წელს არაფორმალურად გადაეცა. საკუთრებასთან დკავშირებულ იურიდიული საკითხებს ლევან როხვაძე ახლა აგვარებს.

პროცედურულად, შენობას ჯერ ეკონომიკის სამინისტრომ საკადასტრო კოდი უნდა მიანიჭოს, რის შემდეგაც ის ქუთაისის მუნიციპალიტეტის ბალანსზე გადავა. "თეატრალურ საზოგადოებას" კი მხოლოდ ამის შემდეგ შეეძლება მისი საკუთრებაში დარეგისტრირება.

ამავე თემაზე:


ხანძრის შედეგები - დამწვარი შენობა, განადგურებული არქივი და ინვენტარი (ფოტორეპორტაჟი)

ხანძარი ქუთაისში - ფოტორეპორტაჟი შემთხვევის ადგილიდან

"ენერგო-პრო ჯორჯიას" განმარტება ქუთაისის ცენტრში გაჩენილ ხანძარზე

მწერალთა სახლის შენობას ქუთაისის მერია აუქციონზე გასატანად ამზადებს

Print E-mail
FaceBook Twitter
მსგავსი სიახლეები

დედამიწის შემსწავლელ მეცნიერებათა ინსტიტუტის
სეისმური მონიტორინგის ცენტრის ინფორმაციით,
09:52 / 01.04.2020

დედამიწის შემსწავლელ მეცნიერებათა ინსტიტუტის სეისმური მონიტორინგის ცენტრის ინფორმაციით,

დასავლეთ საქართველოსა და მათ შორის
იმერეთის რეგიონში 30-31 მარტის ჩათვლით წვიმაა ნავარუდევი.
10:24 / 30.03.2020
დასავლეთ საქართველოსა და მათ შორის იმერეთის რეგიონში 30-31 მარტის ჩათვლით წვიმაა ნავარუდევი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.