ახალი ამბები
ქუთაისში მარტოხელა დედა სოციალური დახმარების აღდგენას ითხოვს
FaceBook
ქუთაისში, ზ. ჭავჭავაძის #28–ში მცხოვრები მარტოხელა დედა შეწყვეტილი სოციალური შემწეობის აღდგენას ითხოვს.

ქრისტინა გაბუნია ნაქირავებ ბინაში ცხოვრობს. მისი თქმით, საარსებო დახმარება მიმდინარე წლის თებერვალში შეუჩერდა. მიზეზად კი საცხოვრებელი ბინის ცვლილება განუმარტეს. აქამდე, თავის ორ შვილთან ერთად, ჭავჭავაძის #4–ში ცხოვრობდა.

ქრისტინა გაბუნია სოციალური დახმარების მიმღების 2013 წლიდან არის. ის ამბობს, რომ მაშინ მისი სარეიტინგო ქულა 47 ათასს შეადგენდა. სოციალური დახმარების სახით, კი სამ სულიან ოჯახს 156 ლარი ეძლეოდა.

"ძალიან გვიჭირს საკვების ყიდვა. ხალხის იმედად ვარ დარჩენილი, არ ვიცი რით გავიტანოთ თავი. ბავშვის ჯანმრთელობის მდგომარეობის გამო კრედიტები მაქვს გამოტანილი. რადგან, ხანგრძლივი მკურნალობა ესაჭირება", – ამბობს ქრისტინა გაბუნია.

სოციალური მომსახურების სააგენტოს იმერეთის სოციალური მომსახურების სამხარეო ცენტრში განმარტავენ, რომ ოჯახს საცხოვრებელი მისამართის შეცვლის თაობაზე ინფორმაცია არ დაუფიქსირებია, რაც რეგისტრაციის შეწყვეტის საფუძველი გახდა.

"რა მისამართიც იყო დარეგისტრირებული იმ მისამართზე გავედით ჩვენ მორიგი გადამოწმების დროს, რა დროსაც ოჯახი არ დაგვხვდა ადგილზე. ხელახალი მომართვის შემთხვევაში სააგენტო განიხილავს მისი დარეგისტრირების უფლებას", - ამბობს სააგენტოს იმერეთის სოციალური მომსახურების სამხარეო ცენტრის უფროსი, ნინო ჭიღლაძე.

ქრისტინა გაბუნიას თქმით, მან არ იცოდა, რომ უნდა ეცნობებინა სააგენტოსთვის ცვლილების თაობაზე. 

მარტოხელა დედა დახმარების მიღებაზე განცხადებით მიმართვას ისევ გეგმავს.

Print E-mail
FaceBook Twitter



მსგავსი სიახლეები
ქუთაისში, 4 მარტს  06:00
საათიდან - 19:00 საათამდე მოსახლეობის ნაწილს სასმელი წყლის მიწოდება
შეეზღუდება.
16:40 / 03.03.2021
ქუთაისში, 4 მარტს  06:00 საათიდან - 19:00 საათამდე მოსახლეობის ნაწილს სასმელი წყლის მიწოდება შეეზღუდება.
Რამდენად კარგად იცნობენ შვილები
დედებს და დედები შვილებს?
16:40 / 03.03.2021
Რამდენად კარგად იცნობენ შვილები დედებს და დედები შვილებს?

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.