ახალი ამბები
კლინიკა „ბომონდში“ გარდაცვლილი გოგონას ოჯახს მინისტრთან შეხვედრაზე უარი უთხრეს
FaceBook
ქუთაისში, სამედიცინო კლინიკა "ბომონდში" საკეისრო კვეთის შემდეგ გარდაცვლილი 23 წლის ლანა მიქაბერიძის ოჯახს ჯანდაცვის მინისტრთან შეხვედრაზე უარი უთხრეს.
გარდაცვლილი გოგონას დედის, მთავრისა მიქაბერიძის თქმით, მას სამინისტრომ უარის შესახებ პასუხი ოფიციალური წერილით აცნობა.

იმ შემთხვევაში, თუ ოჯახი დავით სერგეენკოსთან შეხვედრას ვერ მოახერხებს, ჯანდაცვის სამინისტროსთან აქციების გამართვას გეგმავს.

"წერილში წერია, რომ ამ ეტაპზე ვერ შეგხვდებათო,  თუმცა, არ არის განმარტებული მიზეზი. მე არ გავჩერდები, ყველამ, ვისაც ბრალი მიუძღვის ჩემი შვილის გარდაცვალებაში, პასუხი უნდა აგოს. კიდევ ერთხელ შევეცდები სერგეენკოსთან შეხვედრას და თუ უარი მითხრეს, აქციებს დავიწყებ სამინისტროსთან. სხვა გზა არ მაქვს", – ამბობს გარდაცვლილის დედა, მთვარისა მიქაბერიძე.

შრომის, ჯანმრთელობისა და სოციალური დაცვის სამინისტროში  ქუთაისიპოსტთან  საუბარში ამბობენ, რომ მინისტრს დატვირთული რეჟიმი აქვს,   თუმცა, წერილი რეაგირების გარეშე არც ერთ შემთხვევაში არ დარჩებოდა.

"მინისტრი ინდივიდუალურად ვერ ხვდება ხოლმე მოქალაქეებს, მაგრამ კონკრეტული სამსახური შეისწავლის ასეთ საკითხებს ყოველთვის და ეს შემთხვევაც გადაგზავნილია რეგულირების სააგენტოში. წერილში, რომელიც  ლანა მიქაბერიძის ოჯახმა მიიღო, აუცილებლად იქნება მითითებული, რომ შესაბამის სამსახურს აქვს გადაცემული საქმე, რაც ნიშნავს იმას, რომ თავისთავად მინისტრიც არის საქმის კურსში ჩაყენებული", – აცხადებენ სამინისტროში.

საქმეზე უკვე არსებობს ექსპერტიზის პირველადი დასკვნა, სადაც გოგონას გარდაცვალების მიზეზად სისხლდენა სახელდება.

23 წლის ლანა მიქაბერიძე კლინიკა "ბომონდში" საკეისრო კვეთის შემდეგ გარდაიცვალა.

გარდაცვლილის ექიმი, მამუკა მიქაძე, რომელმაც პაციენტს ორი ოპერაცია ჩაუტარა, მომხდარში მის ბრალეულობას გამორიცხავს.

Print E-mail
FaceBook Twitter



მსგავსი სიახლეები
1-ელი მარტიდან საბავშვო ბაღებში სასწავლო
პროცესი განახლდა. ქუთაისში ბაღებში რეგისტრირებული 8 500 ბავშვიდან
მხოლოდ 2 471 მივიდა.
13:15 / 01.03.2021
1-ელი მარტიდან საბავშვო ბაღებში სასწავლო პროცესი განახლდა. ქუთაისში ბაღებში რეგისტრირებული 8 500 ბავშვიდან მხოლოდ 2 471 მივიდა.
დღეიდან კომპანიებს დასაქმებულთა
სამუშაო საათების აღრიცხვა მოუწევთ.
13:03 / 01.03.2021
დღეიდან კომპანიებს დასაქმებულთა სამუშაო საათების აღრიცხვა მოუწევთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.