ახალი ამბები
ქუთაისში სასტუმროსა და ეკლესიის დაგეგმილი მშენებლობის გამო კომისიის შექმნას ითხოვენ
FaceBook
საინიციატოვო ჯგუფი,  ქუთაისის ცენტრში დაგეგმილი ორი ობიექტის–სასტუმროსა და ეკლესიის დაპროექტებაში საზოგადოების ფართო წრეების  ჩართვის მოთხოვნით,  ადგილობრივ თვითმმართველობას პეტიციით მიმართავას. მას 40 დამოუკიდებელი პირი და არასამთავრობო ორგანიზაცია აწერს ხელს. ინიციატორები ქუთაისის მერიაში კომისიის შექმნას ითხოვენ. მათი თქმით, კომისია დამოუკიდებელი სპეციალისტებით უნდა დაკომპლექტდეს, რომლებსაც შესაძლებლობა ექნებათ ქალაქის ცენტრალურ ნაწილში ნებისმიერი ობიექტის მშენებლობის დაგეგმარებაში აქტიურად ჩაერთონ.

პეტიციის ხელმომწერები ასევე არ ეთანხმებიან "მაკდონალდსის" პროექტს და მიიჩნევენ, რომ მისი შედგენა დარღვევებით და ნაჩქარევად მოხდა.

საინიციატივო ჯგუფი პეტიციას ქუთაისის მერიის კანცელარიაში დღეს, 6 მარტს დაარეგისტრირებს.

"ჩვენ ამ საკითხზე რამდენიმე დღის წინ შევხვდით ქალაქის მერს და არქიტეტქურის სამსახურის უფროსს. ვისაუბრეთ კომისიის შემქნის აუცილებლობაზე და ვფიქრობ, მათ საწინააღმდეგო არაფერი უნდა ჰქონდეთ. ქალაქის ხელისუფლება ვალდებულიც კია კონკრეტული მოვლენის მიმართ მაღალი საზოგადოებრივი ინტერესის არსებობის შემთხვევაში, უზრუნველყოს კომისიის შექმნა. ორი ობიექტი უნდა აშენდეს კიდევ ქალაქის ცენტრში და "მაკდონალდსის" შემთხვევა რომ ავიცილოთ თავიდან, როცა ნაჩქარევად და სპეციალისტების ჩართვის გარეშე მოხდა მისი დაპროექტება, აუცილებელია კომისის შექმნა",–აცხადებს პეტიციის ხელმომწერი და ილიას სახელმწიფო უნივერსიტეტის ასიცირებული პროფესორი, სოფო ზვიადაძე.

მისი თქმით, საინიციატივო ჯგუფი პარალელურ რეჟიმში "მაკდონალდსის" პროექტის გასაჩივრებისთვის ემზადება.

Print E-mail
FaceBook Twitter



მსგავსი სიახლეები
გომი-საჩხერე-ჭიათურა-ზესტაფონის
გზაზე მისაბმელიანი ავტოტრანსპორტის მოძრაობა აღდგა.
13:28 / 08.03.2021
გომი-საჩხერე-ჭიათურა-ზესტაფონის გზაზე მისაბმელიანი ავტოტრანსპორტის მოძრაობა აღდგა.
ქუთაისში, 50-მდე ბარ-რესტორანი 
დღეიდან  დახურულ სივრცეშიც განაახლებს მუშაობას.
12:00 / 08.03.2021
ქუთაისში, 50-მდე ბარ-რესტორანი  დღეიდან  დახურულ სივრცეშიც განაახლებს მუშაობას.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.