ახალი ამბები
ნამახვან ჰესების კასკადის პროექტს ნორვეგიული კომპანია განახორციელებს
FaceBook
CLEAN ENERGY GROUP GEORGIA – ეს ნორვეგიული კომპანიაა, რომელიც ნამახვან ჰესების კასკადის პროექტს განახორციელებს.

ამის შესახებ ინფორმაციას სს "საქართველოს ენერგეტიკის განვითარების ფონდი" ავრცელებს. უწყებამ ინტერესთა გამოხატვა ნამახვან ჰესების კასკადის პროექტის მშენებლობა-ოპერირება-ფლობისთვის 2015 წლის 24 დეკემბერს გამოაცხადა.

მასში მონაწილეობა 26–მა კომპანიამ მიიღო. მათგან, გასული წლის ივლისში, "საქართველოს ენერგეტიკის განვითარების ფონდმა" სამი პრეტენდენტი – შპს "ჯენერალ დეველოპმენტი", "POWERCHINA RESOURCES" LTD და "CLEAN ENERGY GROUP GEORGIA" LLC შეარჩია.

თითოეულმა მათგანმა თავიანთი წინადადებები წარმოადგინა.

ფონდი იუწყება, რომ ინვერსტორთა შერჩევის მიზნით შექმნილმა კომისიამ, პრეტენდენტების წერმოდგენილი დოკუმენტაცია შეისწავლა და გამარჯვებულად CLEAN ENERGY GROUP GEORGIA დაასახელა.

"ამჟამად, იმპლემენტაციის ხელშეკრულების პირობებთან დაკავშირებით, მოლაპარაკებები საქართველოს მთავრობასთან მიმდინარეობს,"– აცხადებენ "საქართველოს ენერგეტიკის განვითარების ფონდში".

ნამახვან ჰესების კასკადის პროექტი წყალტუბოსა და ცაგერის მუნიციპალიტეტების ტერიტორიაზე, მდ. რიონზე ხორციელდება.

კომპანია ENERGY GROUP GEORGIA–ს ოფიციალურ ვებგვერდზე განთავსებული ინფორმაცია გვატყობინებს, რომ ნამახვანისა და ტვიშის ჰესები წლიურად 1,514 გეგა ვატ.სთ ენერგიას გამოიმუშავებენ, ხოლო ჰესებზე დადგმული სიმძლავრე ჯამურად 433 მეგა ვატს შეადგენს.

პროექტის დაწყების თარიღად კომპანიის ვებ–გვერდზე 2018 წელია მითითებული.

ნამახვან ჰესების კასკადის პროექტის წინასწარი ღირებულება 730 მლნ დოლარს შეადგენს.

კომპანია ENERGY GROUP GEORGIA–მ საქართველოში 187 მეგავატიანი შუახევის ჰესის პროექტი უკვე განახორციელა.




Print E-mail
FaceBook Twitter



მსგავსი სიახლეები
ქუთაისში, სამუშაოს მაძიებელ შეზღუდული
შესაძლებლობის მქონე პირებს  22 საშუალო და მსხვილი კომპანია
დასაქმებას სთავაზობს.
15:11 / 14.06.2021
ქუთაისში, სამუშაოს მაძიებელ შეზღუდული შესაძლებლობის მქონე პირებს  22 საშუალო და მსხვილი კომპანია დასაქმებას სთავაზობს.
ეკონომიკის მინისტრის ნათია თურნავას განმარტებით, რიონის ხეობა,
სადაც პროტესტი 231 დღეა გრძელდება, ნორმალურ ცხოვრებას უნდა
დაუბრუნდეს.
15:06 / 14.06.2021
ეკონომიკის მინისტრის ნათია თურნავას განმარტებით, რიონის ხეობა, სადაც პროტესტი 231 დღეა გრძელდება, ნორმალურ ცხოვრებას უნდა დაუბრუნდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.