ახალი ამბები
ქუთაისში ტაქსის ტარიფი ძვირდება
FaceBook
1 იანვრის შემდეგ ქუთაისში კერძო ტაქსებმა მგზავრობის ღირებულება გააძვირეს, ხოლო კომპანიები ტარიფის ზრდას აანონსებენ.

ქალაქში არსებული კერძო ტაქსის მფლობელები მგზავრობის საფასურის მატებას საწვავზე ფასების ზრდით ხსნიან.

"თუ არ მოვუმატებდით ფასს, წაგებაზე მოგვიწევდა შრომა," - ამბობენ კერძო ტაქსის მძღოლები "ქუთაისიპოსტთან" საუბარში.

"საშუალოდ ერთი ლარით მეტს ვახდევინებთ მგზავრს, თუმცა გააჩნია რა მანძილზე გადამყავს ისინი," - ამბობენ კერძო ტაქსის მფლობელები.

ამ ეტაპზე ტარიფი ქუთაისში მოქმედ არც ერთ ტაქსის კომპანიას გაუძვირებია, თუმცა მათი წარმომადგენლები ღირებულების მატებას არ გამორიცხავენ.

კომპანია "მაქსიმში" ამბობენ, რომ ამ დრომდე არსებული ფასებით მუშაობენ.

"სავარაუდოდ, რამდენიმე დღეში დაზუსტდება ტარიფის ღირებულება," - აცხადებენ "მაქსიმის" ქუთაისის ოფისში.

ტარიფზე ზრდას აპირებენ ტაქსის სხვა კომპანიებშიც.

"ჯერჯერობით, არაფერი შეცვლილა, მაგრამ მალე, ალბათ, ახალი ტარიფის დაწესება დაგვჭირდება, რადგან საწვავის ფასი ძვირდება," - ამბობენ ქუთაისში ერთ–ერთ ტაქსის კომპანიაში.

არსებული ფასებით მუშაობენ "600" - ის წარმომადგენლები, სადაც ტარიფის ზრდა არ დაუგეგმავთ.

"თუ მძღოლები იტყვიან, რომ ძველი ტარიფებით ვეღარ იმუშავებენ, მაშინ გადავხედავთ ფასებს," - ამბობენ კომპანიაში.

ამ დროისთვის ქუთაისში ტაქსის კომპანიების მომსახურება 1 კილომეტრზე 70 თეთრს შეადგენს.





Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.