ახალი ამბები
"ჩვენ ვართ სვანეთი" - გამოფენა-პროტესტი ქუთაისში
FaceBook
"ჩვენ ვართ სვანეთი" - ამ სახელწოდების გამოფენა გაიმართა ქუთაისში ჩაის სახლ "ფოე-ფოეში". ფოტოები ესპანელ ფოტოგრაფს როზა ვრუმს ეკუთვნის.

მან ზემო სვანეთის რეგიონის, ნაკრასა და ჭუბერის თემების მცხოვრებთა ყოფა და ბუნებრივი გარემო ასახა ფოტოებზე.

გამოფენის ორგანიზატორი "მწვანე ალტერნატივა" და "საქართველოს სამოქალაქო საზოგადოების განვითარების ასოციაცია" გახლდათ. ორგანიზაციების წარმომადგენელთა თქმით, სწორედ ნაკრასა და ჭუბერის ტერიტორიაზე იგეგმება 135 მეტრის სიმაღლის ნენსკრა ჰესის (280 მგვტ) პროექტის განხორციელება, რომელიც საფრთხეს უქმნის ამ თემების არსებობას.

"გამოფენის მიზანია წარმოადგინოს ადგილობრივი სვანი მოსახლეობის ყოფისა და გარემოს მდგომარეობა. ენერგეტიკის სამინისტროს აქ აქვს დაგეგმილი დიდი და მცირე ზომის ჰოდროელექტროსადგურების მშენებლობა. ზემო სვანეთში დაგეგმილია 35 ჰიდროელექტროსადგურის მშენებლობა. ერთ-ერთი მათგანი, რომელიც უშუალოდ ამ ფოტოებზე წარმოდგენილ გარემოს საფრთხეს უქმნის, 280 მგვტ სიმძლავრის ნენსკრას ჰიდროელექტროსადგურია. ჩვენ გვინდა სახელმწიფოს წარმომადგენლებმა დაინახონ, რომ ამ პროექტის უკან ადამიანები და ბიომრავალფეროვნებით მდიდარი გარემო დგას, რომელთაც საფრთხე ემუქრება",- აღნიშნა ასოციია "მწვანე ალტერნატივას" წარმომადგენელმა, დავით ჭიპაშვილმა.

გამოფენაზე ნაჩვენები იყო მოკლემეტრაჟიანი დოკუმენტური ფილმი, რომელშიც ასახული იყო პროექტის მიმართ ადგილობრივთა დამოკიდებულება. ფილმის ჩვენების შემდეგ გაიმართა დისკუსია, ნენსკრა ჰესისა და რეგიონში დაგეგმილი 433 მგვტ სიმძლავრის ნამახვანი ჰესის მიზანშეწონილობის თაობაზე.

აღნიშნული გამოფენა წარმოდგენილი იყო ესპანეთში, ჩეხეთში, ესტონეთში. მისი მოწყობა იგეგმება ბულგარეთშიც.

Print E-mail
FaceBook Twitter
მსგავსი სიახლეები
ზესტაფონში, ''ჯეოჰოსპიტალის''
კლინიკის ბაზაზე, სამედიცინო პერსონალი უფასო კვლევებს
ჩაატრებს.
14:04 / 10.07.2020

ზესტაფონში, ''ჯეოჰოსპიტალის'' კლინიკის ბაზაზე, სამედიცინო პერსონალი უფასო კვლევებს ჩაატრებს.

სამტრედიაში, მდინარე რიონში მაშველები 72 წლის
მამაკაცს ეძებენ.
12:08 / 10.07.2020
სამტრედიაში, მდინარე რიონში მაშველები 72 წლის მამაკაცს ეძებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.