ახალი ამბები
ქალის მდგომარეობა, რომელსაც ხარაჩოდან ჩამოვარდნილი ფიცარი დაეცა, დამძიმდა
FaceBook
ქუთაისში, თამარ მეფის ქუჩაზე მომხდარი შემთხვევის შედეგად დაზარალებული ქალის მდგომარეობა დამძიმდა.

იგი ქუთაისის რკინიგზის საავადმყოფოში მართვით სუნთქვაზე იმყოფება.

შუახნის ქალს აკაკი წერეთლის სახელმწიფო უნივერსიტეტის მიმდებარე ტერიტორიაზე, მშენებარე ტაძრის ხარაჩოდან ჩამოვარდნილი ფიცარი დაეცა.

შემთხვევა დღეს დილით მოხდა.

"ტაძრის მიდებარე ტერიტორიაზე მიდიოდა ქალი, ამ დროს მშენებლობიდან ფიცარი გადმოვარდა და თავში დაეცა," - აცხადებენ თვითმხილველები.

შინაგან საქმეთა სამინისტროში აცხადებენ, რომ მომხდარზე დაწყებულია წინასწარი მოკვლევა.

2016 წლის 20 ნოემბრის საღამოდან 21 ნოემბრის დილამდე შსს საგანგებო სიტუაციების მართვის სამსახურში ქუთაისიდან 70, ხოლო იმერეთის მასშტაბით 150 შეტყობინება შევიდა.

ძლიერი ქარის შედეგად, ამ დროისთვის ქუთაისს არ მიეწოდება წყალი, ზოგიერთ უბნებში შეზღუდულია ენერგომომარაგებაც.

გარემოს ეროვნული სააგენტოს ინფორმაციით, ქუთაისში, აღმოსავლეთის მიმართულების, 30მ/წმ–ის სიჩქარის ქარი ფიქსირდება.

უწყების ცნობით, დასავლეთ საქართველოში ძლიერი ქარი მიმდინარე წლის 23 ნოემბრის ჩათვლით შენარჩუნდება, ხოლო 24 ნოემბრიდან ჰაერის ტემპერატურა მოიმატებს და +9 – + 14° იქნება.


Print E-mail
FaceBook Twitter
მსგავსი სიახლეები
ქუთაისის მერი, გიორგი ჭიღვარია, სავარაუდოდ,
თანამდებობას ტოვებს.
23:30 / 07.04.2020

ქუთაისის მერი, გიორგი ჭიღვარია, სავარაუდოდ, თანამდებობას ტოვებს.

ჭიათურაში პოლიციამ
18:32 / 07.04.2020
ჭიათურაში პოლიციამ "ქურდული სამყაროს" წევრობისა და "ქურდულ შეკრებაში" მონაწილეობის ბრალდებით 2 პირი დააკავა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.