ახალი ამბები
ხარაგაულის გამგებლობისთვის ცესკოში 5 კანდიდატი დარეგისტრირდა
FaceBook
ხარაგაულის მუნიციპალიტეტში შუალედური არჩევნებისთვის გამგებლის პოსტზე კანდიდატები ამ დროისთვის ხუთმა პარტიამ წარადგინა.

კანდიდატებს წარდგენის ვადა 2016 წლის 8 სექტემბერს, 18 საათზე ეწურებათ.

"თავისუფალი დემოკრატები" - უჩა ბერაძე, "რესპუბლიკური პარტია" - მიხეილ ჭიპაშვილი, "ნაციონალური მოძრაობა" - თამაზ ლომიძე, "პაატა ბურჭულაძის პარტია" - მირზა ინასარიძე, "პატრიოტთა ალიანსი" – თემურ ფცქიალაძე – ეს ის კანდიდატებია, რომლებიც ცესკოში უკვე დარეგისტრირდნენ.

რაც შეეხება, "ქართულ ოცნებას", პარტიის ადგილობრივი ორგანიზაციის წარმომადგენელი, მანანა ბარბაქაძე ქუთაისიპოსტთან განმარტავს, რომ ამ დრომდე კონსულტაციები მიმდინარეობს და გამგებლის პოსტზე წარდგენილი კანდიდატი დღის ბოლოს დასახელდება.

თამაზ ლომიძე, მიხეილ ჭიპაშვილი და უშანგი ბერაძე გასულ წლებში ხარაგაულის მუნიციპალიტეტის გამგებლის მოადგილეებად მუშაობდნენ.

მირზა ინასარიძე ფიზიკური მედიცინისა და რეაბილიტაციის ცენტრის "ულიჩინარი" ექიმია, თემურ ფცქიალაძე კი ყოფილი რაიკავშირის მეპაიეთა საინიციატივო ჯგუფის ხელმძღვანელი და "პატრიოტთა ალიანსის" ხარაგაულის რაიონული ორგანიზაციის თავმჯდომარე გახლავთ.

"რესპუბლიკური პარტიის" კანდიდატი, მიხეილ ჭიპაშვილი გასულ წელს ხარაგაულის გამგეობაში მუშაობდა. პოსტიდან მის გათავისუფლებას ყოფილ გამგებელთან და ამ დროისთვის ხარაგაულის მუნიციპალიტეტის მაჟორიტარი დეპუტატობის კანდიდატთან, კობა ლურსამანაშვილთან დაპირისპირება მოჰყვა.

ხარაგაულის მუნიციპალიტეტში გამგებლის ვადამდელი არჩევნები  მას შემდეგ  დაინიშნა რაც, გამაგებელმა კობა ლურსმანაშვილმა, თანამდებობიდან გადადგომის შესახებ განცხადება დაწერა.

იმერეთის რეგიონში შუალედური არჩევნები ჭიათურაშიც ჩატარდება.

საარჩევნო კოდექსის 169-ე მუხლის მიხედვით, შუალედური არჩევნები იმ შემთხვევაში ინიშნება, როცა გამგებლის უფლებამოსილების შეწყვეტიდან ადგილობრივი თვითმმართველობის არჩევნებამდე ერთ წელზე მეტია დარჩენილი.

საქართველოში ადგილობრივი თვითმმართველობის არჩევნები 2014 წელს ჩატარდა. მორგი არჩევნები კი მომავალი წლის ოქტომებრში უნდა გაიმართოს.

 

Print E-mail
FaceBook Twitter
მსგავსი სიახლეები
ქუთაისის დავით კაკაბაძის სახელობის სახვითი ხელოვნების გალერეაში
გამოფენა
15:12 / 29.11.2022
ქუთაისის დავით კაკაბაძის სახელობის სახვითი ხელოვნების გალერეაში გამოფენა "კლასელები" გაიხსნა.
მართვის მოწმობის პრაქტიკული გამოცდის მეორე ეტაპზე, მგზავრობის
დაწყებამდე სატრანსპორტო საშუალების ტექნიკური გამართულობის შემოწმება
სავალდებულო იქნება.
13:46 / 29.11.2022
მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო იქნება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.