ახალი ამბები
ქუთაისის ოპერის თეატრი შესაძლოა ადგილობრივი ბიუჯეტიდან აღარ დაფინანსდეს
FaceBook
ქუთაისის ბალანჩივაძეების სახელობის ოპერისა და ბალეტის თეატრი მომავალი წლიდან, შესაძლოა, ცენტრალური ბიუჯეტის დაფინანსებაზე გადავიდეს.
თეატრის ხელმძღვანელობის ინფორმაციით, საკითხზე მოლაპარაკებები უკვე მიმდინარეობს და კონსულტაციებისთვის კულტურის სამინისტროს წარმომადგენლებს შეხვდნენ.

თორნიკე მარჯანიშვილის თქმით, ჯერჯერობით გადაწყვეტილი არაფერია, თუმცა, გამორიცხული არ არის, მომავალი წლიდან ოპერის თეატრი ქუთაისის მერიის ნაცვლად, კულტურის სამინისტრომ დააფინანსოს.

"იყვნენ ჩამოსულები და ვისაუბრეთ, მაგრამ მხოლოდ იდეის დონეზე განიხილება ეს საკითხი. ძალიან კარგი იქნება თუ ასე მოხდება, თუმცა გადაწყვეტილი არაფერია",-აცხადებს თორნიკე მარჯანიშვილი.

მისივე თქმით, კულტურის სამინისტრომ ფინანსური პასუხისმგებლობა უწყებასა და მერიას შორის განაწილებული ფუნქციების ერთი სტრუქტურის ქვეშ მოქცევის მიზნით მიიღო.

"ისინი ამტკიცებენ ჩვენთან საშტატო ნუსხას და ფიქრობენ, რომ უმჯობესი იქნება თუ ფინანსურ პასუხისმგებლობასაც თავის თავზე აიღებენ",-აცხადებს მარჯანიშვილი.

ის, ასევე, არ გამორიცხავს, რომ მომავალში სამინისტრომ თეატრის დაფინანსება გაზარდოს.

ქუთაისის მერიაში აცხადებენ, რომ ამ საკითხზე თვითმმართველობისთვის არ მოუმართავთ. შესაბამისად, ადგილობრივი ბიუჯეტიდან ოპერის თეატრის სამომავლო დაფინანსება, ოფიციალური მოლაპარაკებების შედეგად გაირკვევა.

ქუთაისის ოპერის თეატრი ადგილობრივი სახსრებით ყოველწლიურად ფინანსდება.

მიმდინარე წელს მისი ბიუჯეტი 950 000 ლარს შეადგენს. თეატრში 267 თანამშრომელი მუშაობს.

Print E-mail
FaceBook Twitter
მსგავსი სიახლეები
რუსეთის პრეზიდენტმა, ვლადიმერ
პუტინმა ხელი მოაწერა კანონს ე.წ. სამხრეთ ოსეთისთვის ორმაგი
მოქალაქეობის შემოღების რატიფიცირების შესახებ.
17:24 / 28.05.2022
რუსეთის პრეზიდენტმა, ვლადიმერ პუტინმა ხელი მოაწერა კანონს ე.წ. სამხრეთ ოსეთისთვის ორმაგი მოქალაქეობის შემოღების რატიფიცირების შესახებ.
მარიუპოლში რუსმა დამპყრობლებმა
მარიუპოლის N65 საშუალო სკოლა გახსნეს.
16:07 / 28.05.2022
მარიუპოლში რუსმა დამპყრობლებმა მარიუპოლის N65 საშუალო სკოლა გახსნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.