ახალი ამბები
პაატა ბურჭულაძის პარტიის წევრი – ქუთაისის მერიაში პრემირების მანკიერი პრაქტიკაა
FaceBook

"მხოლოდ მერიის მაღალი თანამდებობის მქონდე პირები იღებენ სახელფასო დანამატებს და პრემიებს".


ეს განცხადება "პაატა ბურჭულაძე სახელმწიფო ხალხისთვის " გაერთიანების წევრმა, ზაალ ხონელიძემ ჟურნალისტებთან შეხვედრის დროს გააკეთა.

"ქუთაისის მერიაში პრემირების მანკიერი პრაქტიკა არსებობს. პრემიები მხოლოდ პრივილეგირებულმა კასტამ მიიღო. მიმდინარე წელს ამ მიზნით 443 450 ლარი გაიცა"- განაცხადა ზაალ ხონელიძემ.

მან, ასევე ქუთაისის მერიისგან მიიღებულ დოკუმენტზე ისაუბრა, სადაც ხელფასებისა და დანამატების შესახებ ინფორმაციაა მოცემული.

მისი თქმით, მიღებულ ოფიციალურ წერილში განსაკუთრებით საყურადღებო ის ნაწილია, სადაც აღნიშნულია, რომ ქალაქ ქუთაისის მერად შოთა მურღულიას დანიშვნის შემდეგ საყოველთაო პრემირების მანკიერი პრაქტიკა აღარ არსებობს.

"კითხონ მერიაში მომუშავე ადამიანებს, კმაყოფილები არიან, როდესაც მხოლოდ მათი უფროსები იღებენ პრემიას და დანამატებს. არ შეიძლება სულ ერთი და იგივე ადამიანები, ერთნაირი ხარისხით ასრულებდნენ სამუშაოს, იღებდნენ პრემიებს და სახელფასო დანამატებს. მოვითხოვთ, ასეთი პრემირების სისტემა გაუქმდეს და ადამიანებმა სახელფასო დანამატი თუ პრემია მათ მიერ შესრულებული საქმის მიხედვით მიიღონ,"- განაცხადა ზაალ ხონელიძემ.

პრემიებისა და სახელფასო დანამატების შესახებ ბრალდებებს უპასუხეს ქუთაისის მერიაში.

ადმინისტრაციული სამსახურის უფროსის, ზვიად ჯავახიას თქმით, მერიაში პრემიები დამსახურების მიხედვით გაიცემა.

"დანამატებს და პრემიებს იღებენ ის ადამიანები, ვინც ზეგანაკვეთურ სამუშაოს ასრულებენ. ერთ-ერთი არის საბინაო სამსახური, რომელიც შაბათსაც მუშაობს. რაც შეეხება გაცემულ საჯარო ინფორმაციას, პერსონალურ მონაცემთა დაცვის შესახებ საქართველოს კანონის საფუძველზე, ჩვენ არ გვაქვს უფლება საჯარო გავხადოთ თანამშრომელთა პირადი ინფორმაცია. მათ შორის, ხელფასები, პრემიებისა და დანამატების შესახებ, თუ მათგან არ იქნება შესაბამისი ნებართვა. აღნიშნული კანონი არ ვრცელდება მაღალი თანამდებობის მქონე პირებზე. აქედან გამომდინარე, ზაალ ხონელიძეს მივაწოდეთ მათ შესახებ ინფორმაცია, ვინც ზეგანაკვეთური შრომისთვის იღებს პრემიასა და დანამატს," - განაცხადა ქუთაისის მერიის ადმინისტრაციული სამსახურის უფროსმა.

პოლიტიკური გაერთიანება "პაატა ბურჭულაძე სახელმწიფო ხალხისთვის" წევრის, ზაალ ხონელიძის თქმით, ქუთაისის მერიაში მაღალი თანამდებობის მქონე პირები ყოველთვიურად ხელფასის 30-40%- იან დანამატს იღებენ.

 

Print E-mail
FaceBook Twitter
მსგავსი სიახლეები
საჯარო სკოლებში 2023-2024 სასწავლო წელი დასრულდა.
11:19 / 14.06.2024
საჯარო სკოლებში 2023-2024 სასწავლო წელი დასრულდა.
რუსული ავიაკომპანია Azimuth-ი რუსეთთან პირდაპირ რეისებს ქუთაისის
საერთაშორისო აეროპორტიდანაც შეასრულებს.
09:40 / 14.06.2024
რუსული ავიაკომპანია Azimuth-ი რუსეთთან პირდაპირ რეისებს ქუთაისის საერთაშორისო აეროპორტიდანაც შეასრულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.