ახალი ამბები
ქუთაისის საკრებულოს დეპუტატი: "სამუშაო ჯგუფის თავმჯდომარეს გამოცდილება აკლია"
FaceBook
ნატო ქათამაძე მიიჩნევს, რომ გია ქობალიანი თავმჯდომარის პოსტზე ეფექტურად ვერ იმუშავებს

ქუთაისის საკრებულოს "რესპუბლიკელი" დეპუტატი ნატო ქათამაძე, დროებითი სამუშაო ჯგუფის ახლადარჩეული ხელმძღვანელის გია ქობალიანის კომპეტენციას კითხვის ნიშნის ქვეშ აყენებს.

ქათამაძე, რომლის კანდიდატურაც ჯგუფის თავმჯდომარის პოსტზე კოლეგებმა ჩააგდეს, მიიჩნევს, რომ ქობალიანი საქმეს ეფექტურად ვერ გაუძღვება.

"ახალი ხელმძღვანელი ცოტა ხნის წინ მე მიჭერდა მხარს და ახლა გაუგებარია მისი ამ პოსტზე არჩევა. ვფიქრობ, მას გამოცდილება აკლია და ვერ შეძლებს ეფექტურად იმუშაოს",- მიიჩნევს ქათამაძე.

"რესპუბლიკელი" დეპუტატი საკრებულოს დღევანდელ სხდომას, სადაც სამუშაო ჯგუფის თავმჯდომარე ხმათა უმრავლესობით აირჩიეს, არ ესწრებოდა. როგორც ქათამაძე "ქუთაისიპოსტთან" საუბარში ამბობს, სხდომაზე პროტესტის ნიშნად არ მივიდა, რადგან  ქობალიანის  თავმჯდომარის პოსტზე წარდგენის შესახებ ინფორმირებული იყო.

ნატო ქათამაძე, საკრებულოში სამუშაო ჯგუფის შექმნის ინიციატორი იყო. იგი ჯგუფის თავმჯდომარეობის კანდიდატად 9 დეპუტატმა, მათ შორის გია ქობალიანმა წარადგინა, თუმცა, 30 მარტის საკრებულოს სხდომაზე, სადაც მისი ამ პოსტზე არჩევა უნდა მომხდარიყო, საკრებულოს უმრავლესობის გადაწყვეტილებით, საკითხი დღის წესრიგიდან ამოიღეს.

მაშინ, საკრებულოს თავმჯდომარემ დავით დვალმა განმარტა, რომ ჯგუფის შექმნის იდეა დახვეწას საჭიროებდა. ნატო ქათამაძე კი აცხადებდა, რომ საკითხის გაჭიანურება შეგნებულად ხდებოდა, რათა მისი კანდიდატურა დაბლოკილიყო.

ქუთაისის საკრებულოში ახლადშექმნილმა დროებითმა სამუშაო ჯგუფმა, სამი თვის ვადაში, 2006-2016 წლებში, ადგილობრივი თვითმმართველობის მიერ გასხვისებული მიწების კანონიერება უნდა შეისწავლოს.

Print E-mail
FaceBook Twitter



მსგავსი სიახლეები
1-ელი მარტიდან საბავშვო ბაღებში  სასწავლო
პროცესი განახლდა. ქუთაისში ბაღებში რეგისტრირებული  8 500
ბავშვიდან  მხოლოდ 2 471 მივიდა.


მშობლები განმარტავენ, რომ არ არიან
დარწმუნებული რამდენად უსაფრთხო გარემო იქნება.
13:15 / 01.03.2021
1-ელი მარტიდან საბავშვო ბაღებში  სასწავლო პროცესი განახლდა. ქუთაისში ბაღებში რეგისტრირებული  8 500 ბავშვიდან  მხოლოდ 2 471 მივიდა.

შობლები განმარტავენ, რომ არ არიან დარწმუნებული რამდენად უსაფრთხო გარემო იქნება.

"ვფიქრობ, ცოტა ხანი დაველოდები მოვლენების განვითარებას, სახლში უსაფრთხოდ არიან, ჯერჯერობით არ ვაპირებ გავუშვას", - ამბობს მშობელი სოფიო კუჭუხიძე.
ქალაქში სულ 37 საბავშვო ბაღებია, თუმცა სამ საბავშვო ფილიალში  (N5, N29 და N37)  სასწავლო პროცესი არ განახლებულა.
ბაგა-ბაღების გაერთიანებაში  განმარტავენ, რომ ბაღის ყველა თანამშრომელს ორი დღით ადრე პისიარ კვლევა ჩაუტარდა, რის შედეგადაც სამ პედაგოგს კოვიდინფექცია დაუდასტურდა.

სამივე ბაღი ორი კვირის შემდეგ განაახლებს მუშაობას.
ბაღების გაერთიანების დირექტორის დავით წიტაიშვილის თქმით, ბავშვების მიღებამდე შენობა დაალაგეს და სურსათით მოამარაგეს.
საბავშვო ბაღები კოვიდპანმდემიით გათვალისწინებული  რეკომენდაციით მუშაობენ:
მშობლები ბავშვებს მხოლოდ შენობამდე მიიყვანენ.
აღმზრდელებს ყოველდღიურად ჩაუტარდებათ თერმოსკრინინგი. იმ შემთხვევაში თუკი რომელიმეს დაუფიქსირდება ტემპერატურა გადაიყვანენ იზოლაციაში.
ბაღებში პირბადის ტარება სავალდებულოა აღმზრდელების გარდა, მზარეულებისთვისაც.
პანდემიის  გამო საბავშვო ბაღებში სააღმზრდელო პროცესი  2020 წლის ნოემბერში შეწყდა.
დღეიდან კომპანიებს დასაქმებულთა
სამუშაო საათების აღრიცხვა მოუწევთ.
13:03 / 01.03.2021
დღეიდან კომპანიებს დასაქმებულთა სამუშაო საათების აღრიცხვა მოუწევთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.