ქუთაისის №3 საჯარო სკოლის შენობის ფასადიდან რამდენიმეთვიანი ბათქაშის ცვენის შემდეგ მერიამ ტენდერი ახლა გამოაცხადა.
შესყიდვა სკოლის ფასადის რეაბილიტაციისთვის საჭირო საპროექტო-სახარჯთაღრიცხვო დოკუმენტაციისა და თანმდევი ექსპერტიზის მომზადებას ითვალისწინებს. სამუშაოების ღირებულება 55 000 ლარია.
სატენდერო დოკუმენტაციის მიხედვით, მომსახურება კულტურული მემკვიდრეობის სტატუსის მქონე შენობის სრული საპროექტო-სახარჯთაღრიცხვო დოკუმენტაციისა და შესაბამისი ექსპერტიზის მომზადებას ითვალისწინებს.
ტენდერის პირობების თანახმად, გამარჯვებულმა კომპანიამ პროექტი
ხელშეკრულების გაფორმებიდან 75 კალენდარული დღის ვადაში უნდა
მოამზადოს. დოკუმენტაციის დასრულების შემდეგ შესაძლებელი გახდება
სკოლის ფასადის სარეაბილიტაციო სამუშაოების შესყიდვის ეტაპზე
გადასვლა.
ქუთაისში, ყოფილი სასტუმრო „თბილისის“ შენობის მიმდებარე ტერიტორიაზე სამშენებლო სამუშაოები მიმდინარეობს.
საქართველოს პროკურატურამ სამტრედიაში, 2024 წლის 11 აგვისტოს წინასაარჩევნო ღონისძიებაზე მომხდარი ძალადობის ფაქტზე სამ პირს ბრალი წაუყენა.
მასალის გამოყენების პირობები