ქუთაისიპოსტი

საქართველოს მთავრობამ შრომით იმიგრანტსა და თვითდასაქმებულ უცხოელზე შრომითი საქმიანობის უფლების გაცემის წესის დამტკიცების შესახებ დადგენილება გამოსცა.
შესაბამის დადგენილებას პრემიერ-მინისტრი ირაკლი კობახიძე აწერს ხელს.

დოკუმენტი 2026 წლის 20 თებერვლით თარიღდება და 2026 წლის 1 მარტიდან შევა ძალაში.

დადგენილება განსაზღვრავს:

შრომითი იმიგრანტისა და თვითდასაქმებული უცხოელის შრომითი საქმიანობის უფლებას;

უფლების გაცემის პირობებსა და პროცედურებს;

საჭირო ინფორმაციასა და დოკუმენტაციას;

უფლების გაცემაზე ან გაგრძელებაზე უარის თქმის საფუძვლებს;

უფლებების შესრულებაზე მონიტორინგისა და კონტროლის წესს.

დოკუმენტით ასევე დამტკიცებულია იმ პროფესიებისა და საქმიანობების ჩამონათვალი, რომლებზეც წლიური კვოტები ვრცელდება.

„შრომითი მიგრაციის შესახებ“ საქართველოს კანონის შესაბამისად, შრომითი საქმიანობის უფლება აღნიშნულ სფეროებში გაიცემა მხოლოდ განსაზღვრული კვოტების ფარგლებში.

წლიური კვოტები დაწესებულია შემდეგ საქმიანობებზე:

საკურიერო მომსახურება — 0; 

მგზავრთა გადაყვანა — 0;

ტურისტული გიდის მომსახურება — 0; 

სამთო, ალპური და სათხილამურო გამყოლი — 200;