- ამის შესახებ ინფრასტრუქტურის მინისტრმა რევაზ სოხაძემ ქუთაისში მიმდინარე პროექტების მონახულების შემდეგ განაცხადა.
"დღეს ადგილზე დავათვალიერეთ მოსწავლე-ახალგაზრდობის პარკისა და პარლამენტის ყოფილი შენობის მიმდებარე ტერიტორიაზე მიმდინარე სამუშაოები, რომლებიც აქტიურ ფაზაშია და განსაზღვრული გეგმის შესაბამისად ხორციელდება. ვისაუბრეთ ქალაქის განვითარების სამომავლო გეგმებზეც - ქუთაისისთვის ვამზადებთ ახალ, მასშტაბურ პროექტებს", - აღნიშნა მინისტრმა.
ქუთაისის მოსწავლე-ახალგაზრდობის
პარკის რეაბილიტაციის პროექტი საფეხმავლო და ველობილიკების მოწყობას,
ახალი გამწვანების ზოლების გაშენებას, საერთო ტერიტორიის
კეთილმოწყობას, მცირე არქიტექტურული ნაგებობების განთავსებას და
განათების სისტემის განახლებას ითვალსწინებს.
პარკში ასევე მოეწყობა ბავშვთა და სპორტული ზონები, საპიკნიკე
სივრცეები, ამფითეატრი და წყლის სარკეები.განახლებული ინფრასტრუქტურა
სრულად იქნება ადაპტირებული როგორც ბავშვის ეტლით მოსარგებლე
მშობლებისთვის, ისე განსაკუთრებული საჭიროებების მქონე
პირებისთვის.
პარკის რეაბილიტაციის პროექტს ინფრასტრუქტურის სამინისტროს
მუნიციპალური განვიტარების ფონდი ახორციელებს.
ქუთაისის 1957 წელს დაარსებულ მოსწავლე-ახალგაზრდობის პარკში, საბჭოთა კავშირის პერიოდის შემდეგ, რეაბილიტაცია მხოლოდ საფეხმავლო ზონას ჩაუტარდა.
მასალის გამოყენების პირობები