ქუთაისიპოსტი

"ბუნებრივი გაზის ტარიფი არ გაზრდილა"- ამის შესახებ ენერგოომბუდსმენის განცხადებაშია ნათქვამი, რომელიც გაზზე გაზრდილი გადასახადების მოსვლის გამო მოქალაქეების განცხადებებს ეხმაურება.

"ბოლო რამდენიმე დღეა ენერგოომბუდსმენის სამსახურს მომხმარებლები აქტიურად მოგვმართავენ და გამოთქვამენ პრეტენზიებს ბუნებრივი გაზის მკვეთრად გაზრდილი გადასახადების გამო. აღნიშნულთან დაკავშირებით, პირველ რიგში, დამცველის სამსახური განმარტავს, რომ ბუნებრივი გაზის ტარიფი არ გაზრდილა. გაზრდილი ხარჯი შესაძლოა გამოწვეული იყოს სხვადასხვა მიზეზით, მათ შორის:

მრიცხველის ჩვენების არასწორად წაკითხვა;
მრიცხველის ტექნიკური დაზიანება;
კერძო სახლებში, სადაც გაზის ქსელი ეზოშია განთავსებული, დიდთოვლობისა და ძლიერი ყინვის პერიოდში შესაძლებელია, რომ ქსელის გარკვეული მონაკვეთები დაზიანდეს და წარმოიშვას გაზის გაჟონვა, რაც შესაძლოა გახდეს მოხმარებისა და გადასახადის ზრდის მიზეზი;
ასევე სხვა ფაქტორებით, რაც თითოეულ შემთხვევაში ინდივიდუალური შესწავლის საგანია.

გაცნობებთ, რომ აღნიშნულ საკითხთან დაკავშირებით მოქალაქეებს შეუძლიათ მიმართონ ენერგოომბუდსმენის სამსახურს. მომართვის შემთხვევაში:
დაიწყება საქმის სამართლებრივი შესწავლა;
შეფასდება დარიცხვის კანონიერება;
ბუნებრივი გაზის მიწოდება არ შეგიწყდებათ სადაო თანხის გადაუხდელობის გამო — დავის დასრულებამდე.

მოგვმართეთ შეტყობინებით ან ოფიციალური საკომუნიკაციო არხების მეშვეობით.

• ქ. თბილისი, მიცკევიჩის ქუჩა №27ბ
• ქ. ქუთაისი, გრიშაშვილის ქუჩა №16
577149912; 591494949; 577222281; 577310073
• ქ. თელავი, ერეკლე მეორის ქუჩა №16
591075031
• ქ. ბათუმი, კლდიაშვილის ქუჩა №10
591 22 88 22
• ცხელი ხაზი (+995 32) 2 42 01 90

ჩვენი მიზანია მომხმარებელთა უფლებების დაცვა და სამართლიანი გადაწყვეტა",- აღნიშნულია ენერგოომბუდსმენის განცხადებაში.

მოქალაქეები სოციალურ ქსელში წერენ, რომ ბუნებრივ აირზე გაზრდილი გადასახადი მიუვიდათ. მეტიც, ზოგის თქმით, გადასახადი თითქმის გაორმაგებულია.

"სოკარ ჯორჯიას" გაზრდილ გადასახადთან დაკავშირებით ჯერ ოფიციალური კომენტარი არ გაუკეთებია.