ავიაკომპანია Wizz Air-ი ქუთაისიდან მადრიდისა და ჰამბურგის
მიმართულებით ფრენებს აპრილიდან აღადგენს.
როგორც კომპანიის მიერ გავრცელებულ ინფორმაციაშია აღნიშნული,
ავიაკომპანია ასევე ზრდის ფრენების სიხშირეს ოთხი მოქმედი
მიმართულებით - ქუთაისიდან პრაღის (ჩეხეთი), ლარნაკას (კვიპროსი),
ასევე ათენისა და თესალონიკის (საბერძნეთი) მიმართულებებზე.
ბილეთების საწყისი ფასი 39.99 ევროა და მისი შეძენა უკვე შესაძლებელია
Wizz Air-ის ოფიციალურ ვებგვერდსა და ავიაკომპანიის მობილურ
აპლიკაციაში.
"როგორც საქართველოს საავიაციო ბაზრის ლიდერი, Wizz Air-ი აძლიერებს
კავშირებს საქართველოსა და ევროპას შორის და ქართველ მგზავრებს უფრო
ხელმისაწვდომი მოგზაურობის შესაძლებლობებს სთავაზობს. ავიაკომპანია
2025 წლის აპრილიდან განახორციელებს ფრენებს ჰამბურგისა და მადრიდის
მიმართულებით კვირაში ორჯერ, სამშაბათსა და შაბათს",- იტყობინება Wizz
Air-ი.
2012 წლიდან დღემდე, Wizz Air-მა საქართველოში 6 მილიონზე მეტი
მგზავრი გადაიყვანა. ის 25 მიმართულებით აკავშირებს საქართველოს
15 ქვეყანასთან.
მასალის გამოყენების პირობები