ახალი ამბები
პროკურატურის პასუხი გია თევდორაძეს - სსკ არ იცნობს ცილისწამებას, როგორც დანაშაულს
FaceBook
საპარლამენტო უმცირესობის წევრი გია თევდორაძე სოციალური ქსელით ქუთაისის რაიონული პროკურატურის საპასუხო წერილს ასაჯაროვებს.

თევდორაძემ პროკურატურას განცხადებით მიმდინარე წლის 24 თებერვალს, ქუთაისის საკრებულოს წევრის, ნატო ქათამაძის გამონათქვამის წინააღმდეგ მიმართა.

როგორც გია თევდორაძე აცხადებდა, ნატო ქათამაძემ მოსახლეობასთან შეხვედრის დროს იგი ქუთაისში, ილია ჭავჭავავაძის ძეგლის მიმდებარე სკვერში არსებულ მშენებლობასთან ინტერესებში დააკავშირა.

პროკურატურის საპასუხო წერილში ნათქვამია, რომ საქართველოს სისხლის სამართლის კოდექსი არ იცნობს ცილისწამებას, როგორც დანაშაულს და იგი არ არის სისხლისსამართლებრივი წესით დასჯადი ქმედება.

"თქვენს განცხადებაში მოყვანილი ფაქტები არ შეიცავს სს კოდექსით გათვალისიწნებული დანაშაულის ნიშნებს, რის გამოც უარი ითქვა გამოძების დაწყებაზე," - აღნიშნულია ქუთაისის რაიონული პროკურატურის მიერ შედგენილ წერილში, რომელსაც ხელს პროკურორი, ბაქარ ბეჟუაშვილი აწერს.

პროკურატურა პარლამენტარ გია თევდორაძეს სასამსართლოსთვის მიმართვას ურჩევს.

სოციალური ქსელითვე თევდორაძემ განმარტა, რომ ის 24 თებერვლის მიმართვაში სისხლის სამართლის საქმის აღძვრას არ ითხოვდა.

"მიუხედავად იმისა, რომ ჩემს მიმართვაში ძალიან ნათლად იყო დაფიქსირებული, რომ არანაირი სისხლის სამართლის საქმის აღძვრას არ ვითხოვდი ცილისწამების გამო. პროკურატურამ, როგორც ჩანს არჩია მიმართვაში გაურკვეველი სუბიექტის როლი ეთამაშა და ბუნდოვანი პასუხი გაეცა. თუმცა, ამ პასუხითაც ცალსახად შეიძლება ერთი მნიშვნელოვანი დასკვნის გაკეთება, რომ აღნიშნული ბრალდებები ჩემს მიმართ პორკურატუარასაც ცილისწამებად მიაჩნია," - აღნიშნა გია თევდორაძემ.





Print E-mail
FaceBook Twitter
მსგავსი სიახლეები
საქართველოს მთავრობა კოვიდ-19-ის წინააღმდეგ  გატარებული ღონისძიებების
ანგარიშს აქვეყნებს.
11:40 / 05.06.2020

საქართველოს მთავრობა კოვიდ-19-ის წინააღმდეგ  გატარებული ღონისძიებების ანგარიშს აქვეყნებს.

8 ივნისიდან საქალაქთაშორისო ტრანსპორტის
აღდგენის მიუხედავად, უცნობია როდის განაახლებს მუშაობას საქართველოს
რკინიგზა.
10:05 / 05.06.2020
8 ივნისიდან საქალაქთაშორისო ტრანსპორტის აღდგენის მიუხედავად, უცნობია როდის განაახლებს მუშაობას საქართველოს რკინიგზა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.