ქუთაისიპოსტი

დღეს 28 ოქტომბერს, 18 საათზე ქუთაისში საპროტესტო აქცია დაანონსდა.

აქცია მერიის წინ გაიმართება.

საპროტესტო აქციაზე შეიკრიბებიან მოქალაქეები, რომლებიც თვლიან, რომ არჩევნები გაყალბდა და ცესკოს მიერ წარმოდგენილ 26 ოქტომბრის საპარლამენტო არჩევნების შედეგებს გააპროტესტებენ.

ქუთაისში აქციას ორგანიზებას აქტივისტთა ჯგუფი "არა რუსულ რეჟიმს“ უწევს.

თბილისში აქცია 19 საათზე ჩაინიშნა.

"არჩევნები ტოტალურად გაყალბდა", - აღნიშნა საქართველოს პრეზიდენტმა და მან მოქალაქეებს პროტესტისკენ მოუწოდა.

პროტესტს უერთდებიან ის პოლიტიკური სუბიექტებიც, რომლებმაც ბარიერი გადალახეს, თუმცა პარლამენტში შესვლას არ აპირებენ.

მნიშვნელოვან დარღევევებზე მიუთითებენ საერთაშორისო სადამკვირვებლო მისიები, რომლებიც არჩევნებს აკვირდებოდნენ.


ცენტრალური საარჩევნო კომისიის მონაცემებით, არჩევნებში მმართველმა პარტიამ ხმების 53 %-ზე მეტი მიიღო.


ხუთპროცენტიანი ბარიერი გადალახა სამმა კოალიციამ და ერთმა პარტიამ.


ცესკოს ინფორმაციით, შედეგები ასეთია:


"ქართული ოცნება" - 53.931 %


"კოალიცია ცვლილებისთვის გვარამია, მელია, გირჩი, დროა" – 11,035%


"ერთიანობა – ნაციონალურ მოძრაობას" – 10.167%


"ძლიერ საქართველოს – ლელო, ხალხისთვის, თავისუფლებისთვის" – 8,81%