ახალი ამბები
100-დღიანი პროტესტი შუქრუთში და "გაჩუმებული" ყველა უწყება
FaceBook
უკვე 100 დღეა, შუქრუთში, კოროხნალის მაღაროსთან უწყვეტი აქცია მიმდინარეობს, პროტესტის განმავლობაში კი ადგილობრივების ბედით კვლავ არავინ დაინტერესებულა.
შუქრუთში მცხოვრები გიორგი ნეფარიძის თქმით, დღეს მათთან კომპანიის წარმომადგენლები გამოჩნდნენ, თუმცა არა პროტესტის მონაწილეების მოთხოვნების შესასრულებლად, არამედ, როგორც ნეფარიძე ამბობს, პროვოკაციის მოსაწყობად.

„ზურა ყანჩაველი, რომელიც რამდენიმე თვის წინ დანიშნეს კომპანიის უსაფრთხოების ხელმძღვანელად, რეალურად კი სუს-ის თანამშრომელია, დღეს, თავის პირველ და მეორე მოადგილესთან ერთად გვესტუმრა შუქრუთში, კარავთან მიმდებარე ტერიტორიაზე, პოლიციასთან ერთად. უნდოდათ, პროტესტის მეასე დღეს პროვოკაციურად მუშა პროცესის აღდგენა ღია კარიერზე. ჩვენ არც პროვოკაციას წამოვეგებით და არც მუშა პროცესი აღდგენილა“,
- ამბობს ჩვენთან საუბარში გიორგი ნეფარიძე.

მისივე თქმით, „ჯორჯიან მანგანეზის“ წარმომადგენლები შუქრუთში რამდენიმე დღის წინაც იმყოფებოდნენ და პროტესტის მონაწილეების წინააღმდეგ ადგილობრივების ამხედრებას ცდილობდნენ.

„რამდენიმე დღის წინ, დადიოდნენ სოფელში კარდაკარ და სოლიდურ პრემიებს ჰპირდებოდნენ მუშა პროცესის აღდგენის სანაცვლოდ, თუმცა ხალხმა საკადრისი პასუხი გასცა. ცდილობენ, ჩვენივე თანასოფლებები დაგვიპირისპირონ აქ მდგომ ადამიანებს, რომლებიც ვიცავთ კერძო საკუთრებას, ჩვენს საცხოვრისს, სოფელს და იმ სიწმინდეებს, სადაც ჩვენი წინაპრები არიან დასაფლავებული. სადაც შევდივართ და პირჯვარს ვიწერთ, იმ ტაძრის დაცვას ვცდილობთ.

ოჯახურ ღირებულებებს რომ აჟღერებენ, თუ ბუტაფორია არაა, ჩამოვიდნენ მაშინ ირაკლი კობახიძე და ბიძინა ივანიშვილი, დაინტერესდნენ, ჩაერთონ ამ პროცესებში და დაინახავენ, რომ ჩვენს ოჯახებს და სიწმინდეებს ვიცავთ“,- ამბობს გიორგი ნეფარიძე.

„ჯორჯიან მანგანეზის“ პრესსამსახურში კი განმარტავენ, რომ კომპანიის წარმომადგენლები შუქრუთში ადგილობრივებთან მოლაპარაკებების მიზნით იმყოფებოდნენ და პროვოკაციას ადგილი არ ჰქონია.

„არანაირ პროვოკაციას იქ ადგილი არ ჰქონია. კიდევ ერთი მოლაპარაკების მცდელობა იყო მათთან, რომ მაღაროზე მომხდარიყო გამაგრებითი სამუშაოები, მეტი არაფერი. რაც შეეხება მოსყიდვის საკითხს, ინფორმაცია არ მაქვს, მოიწერეთ საჯაროდ“,- გვითხრეს კომპანიის პრესსამსახურში.

100-დღიანი პროტესტის მანძილზე, გაფიცულების მდგომარეობა არავის მოუკითხავს, არც ადგილობრივი და ცენტრალური ხელისუფლებიდან, მათ შორის, არც გუბერნიის ადმინისტრაციიდან და არც სახალხო დამცველის აპარატიდან. მათი ბედით არ დაინტერესებულა რუსულ კანონზე ხელმომწერი, საჩხერის, ჭიათურისა და ხარაგაულის მაჟორიტარი დეპუტატი პაატა კვიჟინაძეც, რომლის ბიუროშიც გვითხრეს, რომ მოქალაქეები პრობლემების გასაჟღერებლად თავად უნდა მივიდნენ მაჟორიტართან.

შუქრუთში მიმდინარე პროტესტით მხოლოდ მედია და არასამთავრობო ორგანიზაციები დაინტერესდნენ, გაფიცული შუქრუთელების უფლებებს კი „სამოქალაქო აქტივობების ცენტრი" იცავს. თუმცა, რუსული კანონის ამოქმედების შემდეგ, არც მათ და არც ჩვენ გვექნება შესაძლებლობა, მოქალაქეების პრობლემები გავახმოვანოთ.

მოსახლეობა ამბობს, რომ წლების მანძილზე, მადნის ღია კარიერული წესით მოპოვების შედეგად, დაუზიანდათ საცხოვრებელი სახლები, ეზოები, სახნავ-სათესი მიწები, ეკლესია და სასაფლაოები. ამიტომ, ისინი კომპანიას მიყენებული ზარალის პროპორციულ კომპენსაციას სთხოვენ. "ჯორჯიან მანგანეზში" კი ამტკიცებენ, რომ ადამიანებს, რომელიც კომპანიას მოთხოვნებს უყენებენ, კომპენსაცია უკვე აღებული აქვს და თანხები კერძო საკუთრების ინდივიდუალური შეფასების მიხედვით, სხვადასხვა წლებში ეტაპობრივად გაიცა.

სოფელ შუქრუთის მცხოვრებლები, კომპენსაციის მიღების მოთხოვნით, ქუჩაში, 3 წლის წინაც გამოვიდნენ. მაშინ მათ პროტესტის უკიდურეს ფორმას მიმართეს და პირიც ამოიკერეს.

მოსახლეობასა და კომპანია „ჯორჯიან მანგანეზს“ შორის შეთანხმება 220 დღიანი პროტესტის შემდეგ შედგა.

"ჯორჯიან მანგანეზმა" 2021 წლის 16 მაისს განაცხადა, რომ საინჟინრო კვლევების საფუძველზე, სოფელში, 36 ოჯახი ჯამში 2 300 000 ლარის კომპენსაციას მიიღებდა.

შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.


ამავე თემაზე:

სად არის მაჟორიტარი, როცა შუქრუთელებს 86 დღე უწყვეტი პროტესტი აქვთ

80 დღე კარავში - შუქრუთელების "შეუმჩნეველი" პროტესტი

შუქრუთში მცხოვრებლებს, რომლებიც 71-ე დღეა ღამეს კარვებში ათევენ, "ჯორჯიან მანგანეზი" უჩივის

"2027 წლამდეც რომ დაგვჭირდეს აქ დგომა, ვიდგებით, არ დავიღლებით"- პროტესტის 58-ე დღე შუქრუთში

"მოვუწოდებთ ხელისუფლებას, დაინტერესდეს შუქრუთში მიმდინარე პროტესტით"- საიას განცხადება

ერთთვიანი პროტესტი შუქრუთში და არანაირი გამოხმაურება ხელისუფლებიდან

პროტესტის 27-ე დღე შუქრუთი - სოლიდარობის ნიშნად ყველა მაღარო გაჩერებულია


23-ე დღეა შუქრუთში მოსახლეობა ღამეს კარავში ათევს, ხელისუფლება მათ უყურადღებოდ ტოვებს


სოფელ შუქრუთში მოსახლეობის პროტესტი მე-11 დღეა გრძელდება

"არ გვინდა, სოფელი დაგვენგრეს და ჩავარდეს მიწაში"- პროტესტის მე-7 დღე ჭიათურაში

პროტესტის მეორე დღე - რა ხდება სოფელ შუქრუთში

"იძულებული გაგვხადა „ჯორჯიან მანგანეზმა“ გამოვსულიყავით გარეთ"- პროტესტი სოფელ შუქრუთში


Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.