ქუთაისიპოსტი

2023 წელს დეკლარაცია წარადგინა 6982- მა თანამდებობის პირმა.

ამის შესახებ ანტიკორუფციული ბიუროს 2023 წლის საქმიანობის ანგარიშში არის საუბარი.

დღევანდელი მონაცემებით, თანამდებობის პირთა ქონებრივი მდგომარეობის დეკლარაციის წარდგენის ვალდებულება აქვს 6 720 პირს.

ესენი არიან როგორც თანამდებობის პირები, ასევე საქართველოს პარლამენტის წევრებს, მოსამართლეებს და პროკურორებს.

უწყების ცნობით, 2023 წლის განმავლობაში დეპარტამენტის ცხელ ხაზზე დეკლარაციის შევსებასთან დაკავშირებით განხორციელდა 9226 ზარი და ონლაინ დახმარების მეშვეობით ბიუროს მიმართა 733-მა პირმა.

2023 წლის 01 იანვრიდან 31 დეკემბრის ჩათვლით პერიოდში დეკლარაცია წარადგინა 6982- მა პირმა (დანიშვნის ვალდებულებით - 826-მა პირმა, მოქმედმა 5501-მა პირმა და გათავისუფლების ვალდებულებით 137-მა პირმა. ყოფილი-483, დაჯარიმებული-35). კანონით დადგენილ ვადაში დეკლარაცია არ წარადგინა 77-მა პირმა. დაჯარიმების შესახებ გამოცემული განკარგულება კანონიერ ძალაში შევიდა 35 შემთხვევაში. ჯარიმის კანონით დადგენილ ვადაში გადაუხდელობისთვის 4 პირის შესახებ მონაცემები გადაეგზავნა სსიპ - აღსრულების ეროვნულ ბიუროს.

ბიურო აქტიურად მუშაობს თანამდებობის პირთა დეკლარირების უზრუნველყოფის შესაბამისი ელექტრონული სისტემის დახვეწაზე. 2023 წლის განმავლობაში რედაქტირების შესაძლებლობით ისარგებლა 197-მა პირმა.

აღსანიშნავია, რომ კონკრეტული თანამდებობის პირების მიმართ მაღალი საზოგადოებრივი ინტერესიდან გამომდინარე, დეკლარაციის წარდგენის ვალდებულება აქვს ამ თანამდებობაზე წარდგენილ კანდიდატებს, რათა მათი ქონებრივი მდგომარეობა თანამდებობის დაკავებამდე გახდეს ცნობილი, რამაც შესაძლოა გავლენა მოახდინოს კანდიდატის ამ თანამდებობაზე განწესების პროცესზე.